‘సంబరాల ఏటిగట్టు’ రిలీజ్ ఎప్పుడు?

మెగా హీరో సాయి ధరమ్ తేజ్ 'విరూపాక్ష' తో సూపర్ హిట్ అందుకున్నాడు. ఆ తర్వాత జాగ్రత్తగా అడుగులు వేస్తూ, సమయం తీసుకొని 'సంబరాల ఎట్టి గట్టు' అనే భారీ బడ్జెట్ యాక్షన్ డ్రామాకు సైన్ చేశాడు. ఈ సినిమా కోసం తన లుక్‌ను పూర్తిగా మార్చుకున్నాడు. ఇప్పుడు ఈ మూవీ షూటింగ్ దాదాపు ఫైనల్ స్టేజ్‌లో ఉంది.

ఈ చిత్రం మొదట దసరా సీజన్‌లో రిలీజ్ కాబోతున్నట్లు ప్రకటించినప్పటికీ, 'ఓజీ', 'అఖండ' వంటి భారీ చిత్రాలు కూడా రేసులోకి రావడంతో, 'సంబరాల ఎట్టిగట్టు' టీమ్ రిలీజ్ నుంచి తప్పుకుంది. ప్రస్తుతం రిలీజ్ డేట్ గురించి చర్చలు జరుగుతున్నాయి. సినిమా షూటింగ్‌లో ఎక్కువ భాగం పూర్తయింది. ఇంకా సుమారు 20 రోజుల షూట్ మిగిలి ఉంది. ప్రస్తుతం వీఎఫ్‌ఎక్స్ పనులు జరుగుతున్నాయి.

డిసెంబర్‌లో రెండు రిలీజ్ డేట్‌లను మేకర్స్ పరిశీలిస్తున్నారు. ఒకవేళ ఆ సమయంలో పెద్ద సినిమాలు లేకపోతే, 'సంబరాల ఎట్టి గట్టు' డిసెంబర్‌లోనే విడుదలయ్యే అవకాశం ఉంది. ఇది తేజ్ కెరీర్‌లోనే అత్యంత ఖరీదైన చిత్రం. ఈ చిత్రంతో రోహిత్ కేపీ దర్శకుడిగా తొలిసారి పరిచయం అవుతున్నాడు. ఐశ్వర్య లక్ష్మి హీరోయిన్‌గా నటిస్తుండగా, జగపతి బాబు, శ్రీకాంత్ కీలక పాత్రల్లో కనిపించనున్నారు. 'హనుమాన్' ఫేమ్ నిరంజన్ రెడ్డి ఈ చిత్రాన్ని నిర్మిస్తున్నారు.