యన్టీఆర్ భార్యగా మంజిమా మోహన్ ?
ప్రస్తుతానికి సినిమాకు సంబంధించిన మరిన్ని అప్‌డేట్స్ బయటకు రాలేదు. కానీ మంజిమా ఈ చిత్రంలో భాగమైతే ఆసక్తికరమైన ఎంపికగా ఉంటుందని అభిమానులు భావిస్తున్నారు.;
త్రివిక్రమ్ శ్రీనివాస్ తన తదుపరి చిత్రం విక్టరీ వెంకటేష్‌తో చేయనున్న సంగతి తెలిసిందే. ఆ ప్రాజెక్ట్ పూర్తయిన వెంటనే, ఆయన యంగ్ టైగర్ ఎన్టీఆర్‌తో లార్డ్ మురుగన్‌పై ఒక ఆధ్యాత్మిక సినిమాను తెరకెక్కించనున్నారు. ఈ ప్రాజెక్ట్‌ను నిర్మాత నాగ వంశీ ఇప్పటికే ధృవీకరించారు. దీనికి సంబంధించిన ప్రీ-ప్రొడక్షన్ పనులు కూడా మొదలయ్యాయి. ఎన్టీఆర్.. ఆనంద్ బాలసుబ్రమణ్యం రాసిన "లార్డ్ మురుగన్" అనే పుస్తకాన్ని చదువుతూ కనిపించారు.
ఇటీవల మలయాళ టాలెంటెడ్ హీరోయిన్ మంజిమా మోహన్ కూడా తన ఇన్‌స్టాగ్రామ్ స్టోరీలో ఇదే పుస్తకం ఫోటోను షేర్ చేసింది. మంజిమా ఎన్టీఆర్ చదువుతున్న అదే పుస్తకాన్ని చదవడంతో, సోషల్ మీడియాలో ఆమె ఈ సినిమాలో భాగమవుతుందనే ఊహాగానాలు జోరందుకున్నాయి. లార్డ్ మురుగన్ యుద్ధ దేవుడు, జ్ఞాన దేవతగా పూజింపబడతారు. ఈ పుస్తకాన్ని సినిమాగా తీర్చిదిద్దే పనిలో నిర్మాతలు ఉన్నట్లు సమాచారం. ప్రస్తుతానికి సినిమాకు సంబంధించిన మరిన్ని అప్‌డేట్స్ బయటకు రాలేదు. కానీ మంజిమా ఈ చిత్రంలో భాగమైతే ఆసక్తికరమైన ఎంపికగా ఉంటుందని అభిమానులు భావిస్తున్నారు.
లార్డ్ మురుగన్‌కు ఇద్దరు భార్యలు ఉన్నారు. దేవసేన, వల్లి. దేవసేన దేవేంద్రుని కుమార్తె. అటు వల్లి ఒక గిరిజన నాయకుడి కుమార్తె. మంజిమా ఈ పుస్తకం చదవడం కేవలం యాదృచ్ఛికం కావచ్చు. కానీ ఆమె ఎన్టీఆర్‌తో స్క్రీన్ షేర్ చేస్తూ సినిమాలో నటిస్తుందనే అవకాశం కూడా ఉంది.
మంజిమా మంచి నటనా సామర్థ్యం ఉన్న నటి, కానీ ఆమె ప్రతిభ ఇంకా పూర్తిగా వెలుగులోకి రాలేదు. ఆమె తెలుగులో నాగ చైతన్య హీరోగా నటించిన "సాహసం స్వాసగా సాగిపో" సినిమాతో డెబ్యూ చేసింది. ఇంకా ఎన్టీఆర్ బయోపిక్‌లో నారా భువనేశ్వరి పాత్రలో కనిపించింది. మంజిమా మోహన్ తన కెరీర్‌ను మలయాళ చిత్రసీమలో ప్రారంభించి.. తమిళ సినిమాల్లోనూ నటించింది. ఆమె నటుడు గౌతమ్ కార్తీక్‌ను వివాహం చేసుకుని.. గత మూడేళ్లలో కొత్త సినిమాలకు కమిట్ కాలేదు. ప్రస్తుతం ఇది కేవలం ఊహాగానమే, మరియు ఈ వార్త ఎంతవరకు నిజమవుతుందో చూడాలి.