ఈ మల్లూ కుట్టికి అంత సమస్య వచ్చి పడిందా?
"ఇది ఇతర అకౌంట్లలో నడుస్తోంది, కాబట్టి నా ఖాతాకు సంబంధించిన ప్రత్యేకమైన సమస్య అనిపిస్తోంది," అని అనిఖా స్పష్టం చేసింది.;
రీసెంట్ గా విడుదలైన ధనుష్ దర్శకత్వం వహించిన "నిలావుక్కు ఎన్ మేల్ ఎన్నడీ కోబం" చిత్రంలో హీరోయిన్ గా నటించిన యంగ్ టాలెంటెడ్ .. అనిఖా సురేంద్రన్.. తాజాగా ఇన్‌స్టాగ్రామ్‌లో ఎదుర్కొంటున్న ఒక సమస్య గురించి తన మనోవేదనను వ్యక్తం చేసింది. తన ఇన్‌స్టాగ్రామ్ ఖాతా ద్వారా అనిఖా ఇలా పంచుకుంది. "హాయ్, నాకు ఒక చిన్న సమస్య ఎదురవుతోంది. గత రెండు నెలలుగా నా ఇన్‌స్టాగ్రామ్‌లో మ్యూజిక్ యాక్సెస్ నిలిపివేశారు." అని ఆమె తన పోస్టులో రాసింది.
ఈ సమస్యను పరిష్కరించేందుకు అనిఖా తన ఖాతాను బిజినెస్ అకౌంట్ నుంచి క్రియేటర్ అకౌంట్‌గా మార్చినా ప్రయోజనం లేకపోయిందని తెలిపింది. "ఇది ఇతర అకౌంట్లలో నడుస్తోంది, కాబట్టి నా ఖాతాకు సంబంధించిన ప్రత్యేకమైన సమస్య అనిపిస్తోంది," అని అనిఖా స్పష్టం చేసింది. అనేక అకౌంట్లను తనిఖీ చేసినప్పటికీ.. ఇతర ఖాతాల్లో మ్యూజిక్ ఫీచర్ అందుబాటులో ఉండడం ఈ సమస్యను మరింత చిక్కుగా మార్చింది.
తన అసంతృప్తిని బాహ్యంగా చూపించేందుకు అనిఖా.. బ్లాక్ హుడీ ధరించిన ఫోటోను పోస్ట్ చేసింది. ఆ ఫోటోలో ఆమె ముఖంలో బాధ స్పష్టంగా కనిపిస్తోంది. ఆ ఫోటోకు సరదాగా క్యాప్షన్ కూడా జత చేసింది. "ఇప్పుడు నా ముఖం ఇలాగే ఉంది. ఎందుకంటే నా ఇన్‌స్టాగ్రామ్‌లో మ్యూజిక్ ఇక లేదు. దీనిని ఎలా సరి చేయాలో ఎవరికైనా తెలుసా? ఎవరు అయినా సహాయం చేయండి."
ఈ పోస్టు చూసిన అనిఖా అభిమానులు వెంటనే స్పందించి, చక్కటి పరిష్కార మార్గాలను సూచించేందుకు ప్రయత్నించారు. అయితే ఇప్పటివరకు స్పష్టమైన పరిష్కారం మాత్రం కనిపించలేదు. ఈ సమస్యతో అనిఖా అభిమానులు ఆందోళన వ్యక్తం చేస్తున్నారు. ఎందుకంటే మ్యూజిక్ ఫీచర్‌లు సోషల్ మీడియా ఆకర్షణలో ఒక ముఖ్యమైన భాగం. ఇంత బాధతో కూడిన పరిస్థితిలోనూ అనిఖా, తన ఇన్‌స్టాగ్రామ్ ప్లాట్‌ఫారమ్‌పై యథాస్థితిగా సజీవంగా కొనసాగుతూ.. ఈ సమస్య త్వరగా పరిష్కారమై, మళ్లీ మ్యూజిక్‌తో నిండిన స్టోరీస్, రీల్స్‌తో అభిమానులను అలరించగలదని ఆశిస్తున్నారు.