సెన్సార్ క్లియర్, ట్రైలర్ రెడీ!

‘మిరాయ్’ వంటి పాన్ ఇండియా బ్లాక్‌బస్టర్ తర్వాత పీపుల్ మీడియా ఫ్యాక్టరీ నుంచి వస్తున్న మూవీ 'తెలుసు కదా'. స్టార్ బాయ్ సిద్ధూ జొన్నలగడ్డ హీరోగా, అందాలతారలు రాశి ఖన్నా, శ్రీనిధి శెట్టి హీరోయిన్లుగా నటించిన ఈ చిత్రంపై మంచి అంచనాలున్నాయి. ప్రఖ్యాత స్టైలిస్ట్-ఫిల్మ్ మేకర్ నీరజ కోన దర్శకత్వం వహించిన ఈ ముక్కోణపు ప్రేమకథా చిత్రం అక్టోబర్ 17న గ్రాండ్‌గా రిలీజ్ కాబోతోంది.

లేటెస్ట్ గా ఈ మూవీ సెన్సార్ ఫార్మాలిటీస్ పూర్తి చేసుకొని U/A సర్టిఫికేట్ పొందింది. రన్‌టైమ్ 2 గంటల 16 నిమిషాలుగా ఉండగా, ఎలాంటి లాగింగ్ లేకుండా సినిమా ఆద్యంతం వినోదభరితంగా సాగిందని సెన్సార్ సభ్యులు ప్రశంసించారని మేకర్స్ తెలిపారు.

ఇక సినిమా ట్రైలర్‌ను ఈరోజు (అక్టోబర్ 13) ఉదయం 11:34 గంటలకు విడుదల చేయనున్నారు. ఇప్పటికే తమన్ అందించిన పాటలు చార్ట్‌బస్టర్ హిట్స్‌గా మారాయి. ట్రైలర్‌తో సినిమాపై హైప్ మరింత పెరగడం ఖాయం. ‘DJ టిల్లు’ సిరీస్ తరువాత మంచి హిట్ కోసం సిద్ధూకి 'తెలుసు కదా' ఎలాంటి అనుభవాన్ని అందిస్తుందో చూడాలి.