కొత్త సినిమా కోసం కోటి?

తెలుగు చిత్రసీమలో ఇప్పుడు తెలుగమ్మాయిలు కూడా దూసుకెళ్తున్నారు. అలాంటి అరుదైన టాలెంట్‌లో వైష్ణవి చైతన్య ఒకరు. షార్ట్ ఫిల్మ్స్ ద్వారా కెరీర్ ప్రారంభించిన వైష్ణవి, తొలుత కొన్ని చిత్రాల్లో చిన్న పాత్రలలో మెరిసింది. అయితే ‘బేబి’ సినిమా ఈ అమ్మడికి బ్రేక్ ఇచ్చింది. ఈ సినిమా ఘన విజయం సాధించడంతో, వైష్ణవి టాలీవుడ్‌లో డిమాండ్ ఉన్న హీరోయిన్లలో ఒకరిగా మారింది.

ప్రస్తుతం వైష్ణవి ‘జాక్’ సినిమాతో ఆడియన్స్ ముందుకు రాబోతుంది. ఈ మూవీలో సిద్ధు జొన్నలగడ్డ సరసన నటించింది. ‘బొమ్మరిల్లు’ భాస్కర్ దర్శకత్వంలో బి.వి.ఎస్.ఎన్ ప్రసాద్ నిర్మిస్తున్న ఈ మూవీలో వైష్ణవి డ్యూయెల్ రోల్ లో మెరవనుందనే ప్రచారం ఉంది. ఏప్రిల్ 10న 'జాక్' విడుదలవుతుంది.

మరోవైపు 'బేబి' హీరో ఆనంద్ దేవరకొండతో '‘90’s ఏ మిడిల్ క్లాస్ బయోపిక్’ సీక్వెల్ లోనూ నటిస్తుంది. ప్రస్తుతం వైష్ణవి చైతన్య రెమ్యునరేషన్ ఫిల్మ్ సర్కిల్స్ లో హాట్ టాపిక్ గా మారింది. ఓ కొత్త సినిమాకోసం వైష్ణవి కోటి రూపాయలు డిమాండ్ చేసిందట. అందుకు ఆ నిర్మాతలు ఒప్పుకున్నారనేది ఫిల్మ్ సర్కిల్స్ లో వినిపిస్తున్న కథనం.