అక్కినేని నాగార్జున 100వ సినిమా సంగతేంటి?

అక్కినేని నాగార్జున ఒక కమర్షియల్ సూపర్ హిట్ తో తన మార్కెట్‌ను తిరిగి పొందాలని అభిమానులు కోరుతున్నారు. ఈ క్రమంలో.. నాగార్జున ప్రస్తుతం లోకేష్ కనగరాజ్ దర్శకత్వంలో ‘కూలీ’ తమిళ సినిమాలో ఒక ముఖ్యమైన పాత్ర పోషిస్తున్నారు. దక్షిణ భారత సినిమాల్లో అత్యంత ఆసక్తికరంగా ఎదురు చూస్తున్న ఈ భారీ కమర్షియల్ సినిమాలో పలువురు స్టార్ హీరోలు కీలక పాత్రల్లో కనిపించనున్నారు.

ఇదిలా ఉంటే.. నాగార్జున తన 100వ సినిమా కోసం మరో ప్రాజెక్ట్ ప్లాన్ చేస్తున్నట్లు సమాచారం. ఒక ప్రముఖ నిర్మాత ఇప్పటికే అనేక కథలను పరిశీలిస్తున్నారని.. వీటిలో ఒకదాన్ని ఫైనలైజ్ చేసిన తర్వాత ఈ సినిమా అధికారికంగా ప్రకటిస్తారని సమాచారం. ఇందులో ముఖ్యంగా, ఒక తమిళ దర్శకుడు తన కథతో నాగార్జునను బాగా ఇంప్రెస్ చేసినట్లు సమాచారం. దాంతో, ఇది నాగార్జున తదుపరి ప్రాజెక్ట్ అయ్యే అవకాశం ఎక్కువగా కనిపిస్తోంది.

ప్రస్తుతం ‘కూలీ’ సినిమాపై భారీ అంచనాలు నెలకొన్నాయి. ఈ చిత్రాన్ని విజయవంతం చేయాల్సిన బాధ్యత లోకేష్ కనగరాజ్‌పై ఉంది. ఒకవేళ ఈ సినిమా భారీ హిట్ అయితే, తదుపరి భారీ కమర్షియల్ సినిమాతో తన 100 వ చిత్రాన్ని నాగార్జున మరో విజయవంతమైన మైలురాయిగా నిలబెట్టే అవకాశం ఉంది. ప్రస్తుత సమకాలీన హీరోలు వరుస విజయాలను అందుకుంటూ.. బిగ్ బడ్జెట్ ఈవెంట్ సినిమాలతో ముందుకు సాగుతున్నారు. ఈ నేపథ్యంలో, నాగార్జున తన తాజా ప్రాజెక్ట్‌తో మళ్లీ సూపర్‌స్టార్ స్టేటస్‌ను తిరిగి పొందుతారనే ఆశాభావం అభిమానుల్లో నెలకొంది.