టాలీవుడ్ లో కాబోయే టాప్ హీరోయిన్ ఈమేనా?
తెలుగులో.. ప్రశాంత్ నీల్ దర్శకత్వంలో ఎన్టీఆర్‌తో ఓ భారీ బడ్జెట్ చిత్రంలో కీలక పాత్ర పోషిస్తోంది. ఈ సినిమా 2026 మేలో విడుదల కానుంది. ఈ ఆసక్తికర ప్రాజెక్ట్‌లతో రుక్మిణి దక్షిణ భారత సినిమాలో తదుపరి పెద్ద స్టార్‌గా ఎదగడం ఖాయంగా కనిపిస్తోంది.;
దక్షిణాదిన చాలా కాలం తర్వాత అన్ని దక్షిణ భారత భాషల్లో సమానమైన ఆదరణ పొందే స్టార్ హీరోయిన్‌ను చూసే అవకాశం వస్తోంది. ఆమె ఎవరో కాదు, ప్రతిభా వంతమైన కన్నడ నటి రుక్మిణి వసంత్. ఆమె సౌత్ లో తనదైన ముద్ర వేస్తోంది. కన్నడ చిత్రం ‘సప్త సాగరదాచే ఎల్లో’ లో ఆమె నటన ఆమెకు ఫిల్మ్‌ఫేర్ క్రిటిక్స్ ఉత్తమ నటి అవార్డును తెచ్చిపెట్టింది. ఆమె నటనా నైపుణ్యం, భావోద్వేగాలను పండించే తీరు ప్రేక్షకులను, విమర్శకులను ఆకట్టుకున్నాయి.
కన్నడ సినిమాల్లో విజయం సాధించిన రుక్మిణి ఇప్పుడు తమిళ, తెలుగు సినిమాల్లోకి అడుగుపెడుతోంది. తమిళ రొమాంటిక్ కామెడీ ‘ఏస్’ లో విజయ్ సేతుపతితో నటించింది. ఈ చిత్రం మే 2025లో విడుదలై ప్రైమ్ వీడియోలో స్ట్రీమ్ అవుతోంది. అలాగే, మరో తమిళ చిత్రం మదరాసిలోనూ నటించింది.
తెలుగులో.. ప్రశాంత్ నీల్ దర్శకత్వంలో ఎన్టీఆర్‌తో ఓ భారీ బడ్జెట్ చిత్రంలో కీలక పాత్ర పోషిస్తోంది. ఈ సినిమా 2026 మేలో విడుదల కానుంది. ఈ ఆసక్తికర ప్రాజెక్ట్‌లతో రుక్మిణి దక్షిణ భారత సినిమాలో తదుపరి పెద్ద స్టార్‌గా ఎదగడం ఖాయంగా కనిపిస్తోంది. అద్భుతమైన నటనా ప్రతిభ, ఆకర్షణీయమైన లుక్స్‌తో రుక్మిణి దక్షిణ భారత సినిమాలో తిరుగులేని స్థానాన్ని సంపాదించే అవకాశం ఉంది. ఎన్టీఆర్, ప్రశాంత్ నీల్‌తో ఆమె రాబోయే చిత్రం ఆమెను ఆ స్థాయికి చేర్చే కీలకమైన మైలురాయి కానుంది.