తన పారితోషికాన్ని తిరిగి ఇచ్చేసిన పవన్ కళ్యాణ్ ?

ఎంతో హైప్‌తో, ఆసక్తితో, చాలా కాలంగా నిర్మాణంలో ఉన్న పవర్ స్టార్ పవన్ కళ్యాణ్ మోస్ట్ అవైటింగ్ మూవీ “హరి హర వీర మల్లు” సినిమా మరోసారి తన షెడ్యూల్ రిలీజ్ డేట్‌ను మిస్ చేసింది. ఈ సినిమా జూన్ 12, 2025న థియేటర్లలోకి రావడం లేదని తెలుస్తోంది. టీమ్ అన్ని ప్రమోషనల్ యాక్టివిటీస్ ను నిలిపివేసింది.

తాజా వాయిదా వెనుక కొన్ని కారణాలు ఉన్నాయి. సీజీ వర్క్‌లో జాప్యం, నిర్మాత ఎ.ఎం. రత్నం వైపు కొన్ని సమస్యలు. ఈ కారణాల వల్ల ఇంతవరకూ ఈ సినిమాకు సెన్సార్ కార్యక్రమాలు పూర్తి కాలేదు. అలాగే.. థియేట్రికల్ బిజినెస్ కూడా పూర్తి కాకపోవడంతో నిర్మాత టెన్షన్ పడుతున్నట్టు సమాచారం. దాంతో నిర్మాత ఇబ్బందులు చూసి తన రెమ్యునరేషన్ దాదాపు రూ.11 కోట్లు వెనక్కి ఇచ్చేశారట పవన్ కళ్యాణ్.

ఈ సీనియర్ నిర్మాత ఇప్పుడు అన్ని పెండింగ్ ఇష్యూస్‌ను సాల్వ్ చేసి, కొత్త రిలీజ్ డేట్‌ను ఫైనలైజ్ చేసే పనిలో ఉన్నారు. జూలై 4వ తేదీ ఒక ఆప్షన్‌గా పరిగణనలో ఉంది. కానీ, నిర్మాత నాగ వంశీ, ఆ రోజు విజయ్ దేవరకొండ నటించిన “కింగ్‌డమ్” సినిమాతో క్లాష్ అవుతుందని, ఆ డేట్‌ను ఎంచుకోవద్దని రత్నంను కోరినట్లు తెలుస్తోంది. దీంతో, జూన్ 27, జూలై 11, లేదా జూలై 18 తేదీలు కూడా ఇప్పుడు పరిశీలనలో ఉన్నాయి.

ఇదిలా ఉంటే, పవన్ కళ్యాణ్ ఫ్యాన్స్ ఈ నిరంతర వాయిదాలు, షెడ్యూల్ మార్పులతో విసిగిపోయారు. రిలీజ్ డేట్ మళ్లీ మారకుండా, అవసరమైతే కాస్త ఆలస్యమైనా సరే, ఫిక్స్‌డ్ డేట్‌ను ఫైనల్ చేయమని వారు రత్నంను కోరుతున్నారు. “హరి హర వీర మల్లు” ఒక పీరియడ్ డ్రామా, ఇందులో పవన్ కళ్యాణ్ టైటిల్ రోల్‌లో, నిధి అగర్వాల్ హీరోయిన్‌గా నటిస్తున్నారు. ఈ సినిమాకు జోతి కృష్ణ డైరెక్టర్, ఎంఎం కీరవాణి సంగీత దర్శకుడు.