సర్ ప్రైజింగ్ కాంబో లోడింగ్... !

నాగ చైతన్య తొలిసారి డైరెక్టర్ బోయపాటి శ్రీనుతో జత కట్టబోతున్నాడు. ఫిల్మ్ సర్కిల్స్‌లో వినిపిస్తున్న టాక్ ప్రకారం.. బోయపాటి ఇటీవల చైతన్యకు ఫుల్ మాస్ యాక్షన్ స్టోరీ చెప్పాడు. చైతన్యకు ఆ కథ నచ్చడంతో ఓకే చెప్పాడు. అంతా సజావుగా జరిగితే, ఈ సినిమా ఈ ఏడాది చివరి నాటికి స్టార్ట్ అయ్యే ఛాన్స్ ఉంది. చైతన్య వెంటనే ఈ సినిమా స్టార్ట్ చేస్తాడని కూడా కొంత బజ్ ఉంది. కానీ ఇంకా అధికారికంగా ఏదీ కన్ఫర్మ్ కాలేదు.

బోయపాటి హై-వోల్టేజ్ యాక్షన్ సినిమాలకు పెట్టింది పేరు కాబట్టి.. చైతన్యను కొత్త మాస్ అవతార్‌లో చూడాలని ఫ్యాన్స్ ఉత్సాహంగా ఉన్నారు. ప్రస్తుతం, చైతన్య తన 24వ సినిమా ‘వృషకర్మ’ (వర్కింగ్ టైటిల్) లో నటిస్తున్నాడు. ఈ సినిమాకు ‘విరూపాక్ష’ ఫేమ్ కార్తిక్ వర్మ దండు డైరెక్టర్. ఈ చిత్రం ఇప్పటికే షూటింగ్ దశలో ఉంది, యాక్షన్‌తో పాటు కాస్త మిస్టరీ ఎలిమెంట్స్ మిక్స్ అయ్యే సినిమా అని తెలుస్తోంది. ఇది ఫ్యాన్స్‌లో హైప్ క్రియేట్ చేస్తోంది.

నాగచైతన్య 25వ సినిమా గా ఇది తెరకెక్కబోతోంది. దీని కోసం ఫ్యాన్స్ ఏదో స్పెషల్ ఎక్స్‌పెక్ట్ చేస్తున్నారు. మరి బోయపాటి యాక్షన్ స్టోరీని ఎంచుకుంటాడా లేక వేరే రూట్‌లో వెళ్తాడా అనేది చూడాలి. కానీ చైతన్య కెరీర్‌ను మరో లెవెల్‌కు తీసుకెళ్లేందుకు పెద్ద ప్లాన్స్‌లో ఉన్నాడని స్పష్టం.