"ఎల్.వై.ఎఫ్" టీజర్ లాంచ్ చేసిన కోమటిరెడ్డి వెంకటరెడ్డి

శ్రీహర్ష, కషిక కపూర్ జంటగా నటిస్తున్న చిత్రం "ఎల్.వై.ఎఫ్".పవన్ కేతరాజు ఈ సినిమాకు దర్శకత్వం వహిస్తున్నారు.మనీషా ఆర్ట్స్ అండ్ మీడియా ప్రైవేట్ లిమిటెడ్, అన్నపరెడ్డి స్టూడియోస్ బ్యానర్లపై కిషోర్ రాటి, మహేష్ రాటి, ఏ రామస్వామి రెడ్డి సంయుక్తంగా ఈ చిత్రాన్ని నిర్మిస్తున్నారు.మణిశర్మ సంగీతం అందించారు.ఈ సినిమాకు సంభందించిన టీజర్ ను సినిమాటోగ్రఫీ మంత్రి కోమటిరెడ్డి వెంకటరెడ్డి విడుదల చేసారు.

మంత్రి కోమటిరెడ్డి వెంకటరెడ్డి మాట్లాడుతూ.... ఎల్ వై ఎఫ్. మంచి కథతో ప్రేక్షకుల ముందుకు రాబోతుంది, ఈ చిత్రం గొప్ప విజయాన్ని సాధించాలి అని కోరుకుంటున్నాను. తక్కువ బడ్జెట్ తో సినిమాలు తీసినా సరే కంటెంట్ బాగుంటే సినిమాలు బాగుంటాయి. ఎక్కువ బడ్జెట్ పెట్టి తర్వాత టికెట్ రేట్లు పెంచాలని ప్రభుత్వాన్ని అడగడం కంటే తక్కువ బడ్జెట్లో మంచి కంటెంట్ ఉన్న చిత్రాలు ప్రేక్షకుల ముందుకు తీసుకు రావడం మంచిది. ఈ ఎల్ వై ఎఫ్ అనే చిత్రం అలా తక్కువ బడ్జెట్లో మంచి కంటెంట్ తో వస్తున్న చిత్రం. ఇటువంటి చిత్రాలను ప్రోత్సహించడంలో సినిమాటోగ్రఫీ మినిస్టర్ గా నేను ముందుంటాను" అని అన్నారు