కార్తికి జోడీగా అనుష్క శెట్టి?

సౌత్ ఇండియన్ సినిమా సంచలనం లోకేష్ కనగరాజ్ తన తదుపరి భారీ ప్రాజెక్ట్‌తో ప్రేక్షకులను మెస్మరైజ్ చేయడానికి రెడీ అవుతున్నాడు. సూపర్‌స్టార్ రజనీకాంత్ హీరోగా నటిస్తున్న గ్యాంగ్‌స్టర్ యాక్షన్ డ్రామా ‘కూలీ’ సినిమా ఆగస్టు 14న థియేటర్లలో సందడి చేయనుంది. ఈ మూవీ రిలీజ్ తర్వాత.. లోకేష్ తన సొంత సినిమాటిక్ యూనివర్స్ అయిన లోకేష్ సినిమాటిక్ యూనివర్స్ లోని మిగిలిన ప్రాజెక్ట్‌లపై ఫోకస్ చేయనున్నాడు.

యల్సీయూలో తదుపరి బిగ్ రిలీజ్‌గా ‘ఖైదీ 2’ రానుంది. ఇందులో టాలెంటెడ్ యాక్టర్ కార్తి లీడ్ రోల్‌లో కనిపించనున్నాడు. మొదటి భాగం ‘ఖైదీ’ బాక్సాఫీస్ వద్ద సూపర్ హిట్ అయిన సంగతి అందరికీ తెలిసిందే. ఈ సినిమా గ్రిప్పింగ్ స్టోరీ, యాక్షన్ సీక్వెన్స్‌లు, మరియు కార్తి పవర్‌ఫుల్ పెర్ఫార్మెన్స్‌తో అభిమానుల హృదయాల్లో స్థానం సంపాదించింది. ఇప్పుడు ‘ఖైదీ 2’ కోసం సినీ లవర్స్ ఆతృతగా వెయిట్ చేస్తున్నారు. ఈ సీక్వెల్ మొదటి భాగం కంటే మరింత ఇంటెన్స్ అయ్యే అవకాశం ఉందని టాక్.

తాజా బజ్ ప్రకారం... ‘ఖైదీ 2’ లో స్టార్ యాక్ట్రెస్ అనుష్క శెట్టి కీలక పాత్రలో కనిపించనుందని రూమర్స్ జోరందుకున్నాయి. ఆమె ఈ సినిమాలో ఒక పవర్‌ఫుల్ గ్యాంగ్‌స్టర్ రోల్‌లో నటించబోతోందని ఇన్‌సైడ్ సోర్సెస్ చెబుతున్నాయి. ఈ పాత్ర చాలా డైనమిక్‌గా, ఇంటెన్స్‌గా ఉంటుందని, అనుష్క లాంటి స్ట్రాంగ్ పెర్ఫార్మర్‌కి ఈ క్యారెక్టర్ ఫర్‌ఫెక్ట్‌గా సెట్ అవుతుందని అంటున్నారు. చిత్ర బృందం ఇప్పటికే అనుష్కను సంప్రదించి, డిస్కషన్స్ జరిపినట్లు తెలుస్తోంది. కానీ ఇంకా అధికారిక కన్ఫర్మేషన్ రావాల్సి ఉంది. అనుష్క ఒకవేళ ఈ ప్రాజెక్ట్‌లో జాయిన్ అయితే, ఇది ఆమె కెరీర్‌లో మరో మైలురాయి అవుతుందనడంలో సందేహం లేదు.

కార్తి, అనుష్క 2013లో వచ్చిన ‘అలెక్స్ పాండియన్’ సినిమాలో కలిసి నటించారు. ఆ సినిమా అనుకున్న స్థాయిలో ఆకట్టుకోలేకపోయినా, వీరిద్దరి ఆన్-స్క్రీన్ కెమిస్ట్రీ అప్పట్లో చర్చనీయాంశం అయింది. ఇప్పుడు ‘ఖైదీ 2’ లో వీరిద్దరూ మళ్లీ కలిస్తే, అది ఖచ్చితంగా అభిమానులకు ఓ స్పెషల్ ట్రీట్ అవుతుంది. లోకేష్ కనగరాజ్ డైరెక్టోరియల్ బ్రిలియన్స్, కార్తి డెడికేటెడ్ పెర్ఫార్మెన్స్, అనుష్క పవర్‌ఫుల్ స్క్రీన్ ప్రెజెన్స్ కలిస్తే, ‘ఖైదీ 2’ బాక్సాఫీస్‌ను షేక్ చేసే అవకాశం ఉంది.