‘వార్ 2’ ప్రమోషన్ వ్యూహాన్ని మారుస్తున్నారా?

రిలీజ్‌కు ఇంకా నెల కంటే కొంచెం ఎక్కువ సమయం ఉన్నా.. ‘వార్2’ సినిమా తన స్థాయికి తగ్గ హైప్‌ను క్రియేట్ చేయడంలో తడబడుతోంది. హృతిక్ రోషన్, ఎన్టీఆర్ వంటి టాప్ స్టార్స్ ఉన్నప్పటికీ, ఈ చిత్రం జనాల్లో ఆ జోష్‌ను రగిలించ లేకపోతోంది. మరోవైపు, రజనీకాంత్ నటిస్తున్న ‘కూలీ’ మాత్రం హెడ్‌లైన్స్‌ను, సోషల్ మీడియాను షేక్ చేస్తూ, అన్ని భాషల్లోనూ టాక్ ఆఫ్ ది టౌన్‌గా మారింది.

‘వార్2’ టీజర్‌కు మిశ్రమ స్పందన వచ్చింది. అది సినిమా బజ్‌ను పెంచడంలో పెద్దగా సాయపడలేదు. ఇన్‌సైడర్స్ చెప్పేదాన్ని బట్టి, మేకర్స్ ఇప్పుడు సినిమాలో కొన్ని భాగాలను రీవర్క్ చేస్తున్నారు. అంతేకాదు, హృతిక్, ఎన్టీఆర్‌లతో ఓ భారీ సాంగ్‌ను జూలై మొదట్లో చిత్రీకరించాలని ప్లాన్ చేస్తున్నారు. ఈ సాంగ్ ఆ లోటును పూరించి, సినిమాకు వావ్ ఫ్యాక్టర్ జోడిస్తుందని ఆశిస్తున్నారు.

‘వార్2’ లో హై-ఎండ్ యాక్షన్, స్టైలిష్ విజువల్స్ ఉన్నప్పటికీ, అవి ఒక్కటే సక్సెస్‌కు గ్యారంటీ కాదు. ముఖ్యంగా ‘కూలీ’ అదే రోజు రిలీజ్ అవుతున్న నేపథ్యంలో. కూలీ రజనీకాంత్, నాగార్జున, ఉపేంద్ర, ఆమిర్ ఖాన్ వంటి బడా స్టార్స్‌తో అన్ని ఇండస్ట్రీలనూ ఆకర్షిస్తూ, నిజమైన పాన్-ఇండియా స్టార్మ్‌గా మారింది.

తెలుగు రాష్ట్రాల్లో ‘వార్2’ కు ఇప్పటికైతే ఎన్టీఆర్ ఒక్కడే ప్రధాన ఆకర్షణ. అందుకే ట్రేడ్ సర్కిల్స్ సౌత్‌లో సినిమా ప్రమోషన్ వ్యూహాన్ని వేగంగా మార్చి.. ఎన్టీఆర్‌ను సినిమా ఫేస్‌గా హైలైట్ చేయాలని సూచిస్తున్నాయి. బాలీవుడ్ డైరెక్టర్ అయాన్ ముఖర్జీకి సౌత్‌లో అంతగా బ్రాండ్ వాల్యూ లేదు, రాజమౌళి లాంటి యూనివర్సల్ అప్పీల్ ఉన్న డైరెక్టర్ అడ్వాంటేజ్ కూడా ‘వార్2’ కు లేదు. మరి ఇలాంటి పరిస్థితుల్లో ‘వార్ 2’ ను ఎలా జనంలోకి తీసుకు వెళ్తారో చూడాలి.