శిల్పాశెట్టి, రాజ్ కుంద్రాలకు లుకవుట్ నోటీస్

బాలీవుడ్ నటి శిల్పా శెట్టి మరోసారి చట్టపరమైన సమస్యల్లో చిక్కుకున్నారు. ఆమె భర్త రాజ్ కుంద్రాతో కలిసి గతంలో వ్యాపార సంబంధిత కేసుల్లో ఇరుక్కున్న ఈ జంట, ఇప్పుడు కొత్త వివాదంలో చిక్కుకుంది. ఇటీవల, శిల్పా శెట్టి ముంబైలో తన రెస్టారెంట్ వ్యాపారాన్ని కూడా మూసివేశారు.

శుక్రవారం, ముంబై పోలీసులు ఈ జంటపై బహు-కోట్ల మోసం కేసులో లుక్‌ఔట్ సర్కులర్ జారీ చేశారు. వ్యాపారవేత్త దీపక్ కోఠారిని రూ. 60 కోట్ల మేరకు మోసం చేసినట్లు వారిపై ఆరోపణలు ఉన్నాయి.

2015 నుంచి 2023 వరకు వ్యాపార విస్తరణ పేరుతో శిల్పా శెట్టి, రాజ్ కుంద్రా దీపక్ కోఠారి నుంచి రూ. 60 కోట్లు సేకరించారని, ఏటా 12 శాతం వడ్డీతో డబ్బు తిరిగి చెల్లిస్తామని వాగ్దానం చేశారని, అంతేకాకుండా 2016 ఏప్రిల్‌లో శిల్పా శెట్టి స్వయంగా రాతపూర్వక హామీ ఇచ్చారని కోఠారి ఆరోపించారు. ఈ ఆరోపణలను శిల్పా శెట్టి తీవ్రంగా ఖండించారు. ఈ కేసు నిరాధారమైనది, దురుద్దేశపూరితమైనదని, తమ పరువును దెబ్బతీసేందుకు ఉద్దేశించినదని ఆమె పేర్కొన్నారు.