మరో హాలీవుడ్ మూవీకి కూడా భారీ ఓపెనింగ్స్

ఈ మధ్య కాలంలో హాలీవుడ్ సినిమాలు ఇండియాలో అద్భుతమైన రీతిలో భారీ ఆదరణ పొందుతున్నాయి. ఈ ఏడాది ప్రారంభంలో ‘మిషన్ ఇంపాసిబుల్: ది ఫైనల్ రెకనింగ్, F1, జురాసిక్ వరల్డ్: రీబర్త్’, ఇంకా.. ‘సూపర్‌మ్యాన్’ వంటి సినిమాలు ప్రేక్షకులను ఆకట్టుకున్నాయి. అయితే.. ఇప్పుడు తాజాగా విడుదలైన ‘కంజూరింగ్: ది లాస్ట్ రైట్స్’ ఇండియాలో అమోఘమైన స్పందనను రాబట్టింది.

‘కంజూరింగ్: ది లాస్ట్ రైట్స్’ అనేది విజయవంతమైన ‘కంజూరింగ్’ ఫ్రాంచైజీలో చివరి భాగం. ఆశ్చర్యకరంగా, ఈ సినిమా ఇండియాలో అడ్వాన్స్ టికెట్ సేల్స్ అద్భుతంగా ఉన్నాయి. మొన్న రాత్రి కొన్ని మెట్రో నగరాల్లో పెయిడ్ ప్రీమియర్స్ నిర్వహించగా, వాటికి భారీ స్పందన లభించింది. నిన్న మెట్రో, రెండవ స్థాయి నగరాల్లో చాలా షోలు ఇప్పటికే హౌస్‌ఫుల్ అయ్యాయి. ఈ అడ్వాన్స్ టికెట్ సేల్స్ ఆధారంగా, ‘కంజూరింగ్ 4’ ఇండియన్ బాక్సాఫీస్‌ వద్ద గొప్ప ఆరంభాన్ని సాధించే అవకాశం ఉంది. మొదటి రోజు దాదాపు 20 కోట్ల రూపాయల గ్రాస్ కలెక్షన్ సాధిస్తుందని అంచనా. ఇది చాలా భారీ ఫిగర్.

హారర్ సినిమాలు థియేటర్లలో గొప్ప అనుభవాన్ని అందిస్తాయి. ‘కంజూరింగ్’ ఒక విజయవంతమైన హారర్ ఫ్రాంచైజీ. మొదటి రెండు భాగాలు భారీ విజయాలు సాధించగా, మూడవ భాగం సాధారణంగా ఆడింది. మునుపటి భాగాల విజయం కారణంగా, ‘కంజూరింగ్: ది లాస్ట్ రైట్స్’ ఇండియాలో శుభారంభం సాధించింది. ఒకవేళ ఈ సినిమాకు మంచి టాక్ వస్తే, ‘F1’ అండ్ ‘జురాసిక్ వరల్డ్’ లాగా ఇది కూడా 100 కోట్ల గ్రాస్ కలెక్షన్ సాధించే అవకాశం ఉంది.