పారితోషికం భారీగానే డిమాండ్ చేస్తోందట!

"పుష్ప 2"లో అందాల హీరోయిన్ .. శ్రీలీల చేసిన ఐటెమ్ సాంగ్ ఉత్తర భారతదేశంలో వైరల్‌గా మారడంతో ఆమె బాలీవుడ్ లో సంచలనంగా నిలిచింది. ఈ పాట ఆమె పాన్-ఇండియా ఆకర్షణను పెంచడమే కాకుండా.. బాలీవుడ్‌లో కూడా ఆమెకు భారీ అవకాశాలను తెచ్చిపెట్టింది. ఆమె ఇప్పటికే కార్తిక్ ఆర్యన్ సరసన "ఆశికీ 3"లో హీరోయిన్‌గా నటించింది. సినిమా త్వరలో విడుదల కానుంది. ఈ సినిమా రిలీజ్ కాకముందే ఆమెకు బాలీవుడ్ నుంచి మరిన్ని ఆఫర్లు వస్తున్నాయి.

ఈ నేపథ్యంలో ఇప్పుడు శ్రీలీల తెలుగు సినిమాల కంటే హిందీ సినిమాలకే ఎక్కువ ప్రాధాన్యం ఇస్తున్నట్లు టాక్ నడుస్తోంది. ఈ కారణంగా ఆమె అఖిల్ అక్కినేని సినిమా "లెనిన్" నుంచి తప్పుకున్నట్లు సమాచారం. ఆసక్తికరంగా.. ఆమె బాలీవుడ్‌లో భారీ రెమ్యూనరేషన్ డిమాండ్ చేస్తోంది. ఆమె స్క్రీన్ ప్రెజెన్స్, డాన్స్ మూవ్‌లు బాలీవుడ్ నిర్మాతలను ఆకట్టుకున్నాయి, వారు ఆమెకు భారీ మొత్తం చెల్లించేందుకు సిద్ధంగా ఉన్నారు.

టాలీవుడ్ లో శ్రీలీల .. ఒకో సినిమాకు 2.5 కోట్ల రూపాయలు చార్జ్ చేస్తుండగా, "పుష్ప 2" ఐటెమ్ సాంగ్‌కు 3 కోట్ల రూపాయలు తీసుకుంది. బాలీవుడ్‌లో మాత్రం ఆమె ఒక్కో సినిమాకు 6 కోట్ల రూపాయలు కోట్ చేస్తోందని సమాచారం, ఇది ఆమె పెరుగుతున్న డిమాండ్, జాతీయ స్థాయిలో లీడ్ యాక్ట్రెస్‌గా ఆమెకున్న నమ్మకాన్ని సూచిస్తుంది.