అడ్వాన్స్ బుకింగ్స్ లో అదరగొడుతోన్న ‘సికందర్’

ఈద్ వేడుకలు ఈ సంవత్సరం మరింత ఘనంగా జరగబోతున్నాయి, ఎందుకంటే బాలీవుడ్ సూపర్‌స్టార్ సల్మాన్ ఖాన్ ప్రధాన పాత్రలో నటించిన ‘సికందర్’ సినిమా మార్చి 30న థియేటర్లలో విడుదల కానుంది. ఇంకా ఒక రోజే టైమ్ ఉండటంతో, అభిమానుల్లో హుషారు పెరుగుతోంది. టికెట్ ధరలు భారీగా పెరిగి.. మెట్రో నగరాల్లోని కొన్ని ప్రాంతాల్లో రూ.2000 దాటగా... కొన్ని సింగిల్ స్క్రీన్ థియేటర్లలో రిక్లైనర్ సీట్లకు రూ.700 వరకూ ధర నిర్ణయించారు.

మార్చి 25న బుక్ మై షోలో ‘సికందర్’ సినిమా అడ్వాన్స్ బుకింగ్ ప్రారంభమైంది. సాయంత్రం నాటికి దేశవ్యాప్తంగా ఎక్కువ థియేటర్లలో టికెట్లు లభ్యం అయ్యాయి. మల్టీప్లెక్సులు బ్లాక్‌బస్టర్ ప్రైసింగ్ అమలు చేయడంతో.. ప్రీమియం టికెట్ల ధరలు పెరిగాయి. ఢిల్లీలోని డీఎల్ఎఫ్ మాల్, సాకేత్‌లో విఐపీ టికెట్ ధర రూ.800గా ఉంది. నోయిడా మాల్ ఆఫ్ ఇండియాలో ఉదయం షో రిక్లైనర్ టికెట్ ధర రూ.1000 కాగా, సాయంత్రం షోల కోసం రూ.1400కి పెరిగింది.

ముంబై దాదర్‌లోని ప్లాజా సినిమా థియేటర్‌లో సాయంత్రం షోల కోసం రిక్లైనర్ సీట్ల ధర రూ.700గా ఉంది. కొందరు దీనిని భారీ డిమాండ్ సంకేతంగా చూస్తుండగా, మరికొందరు ఈ రేట్లు ప్రేక్షకులను వెనక్కి తగ్గించవచ్చని పరిశ్రమలో ఆందోళన వ్యక్తం చేస్తున్నారు. అయితే, ఢిల్లీ-ఎన్‌సీఆర్ ప్రాంతాల్లో చాలా స్క్రీనింగ్‌లు ఇప్పటికే సౌల్డ్ అవుట్ అయ్యాయి, మరికొన్ని వేగంగా ఫుల్ అవుతున్నాయి. అయితే.. ఈ ధరలో కొంత మార్పు ఉంది. కొన్ని సింగిల్ స్క్రీన్ థియేటర్లు, ముఖ్యంగా ఢిల్లీ డిలైట్ థియేటర్, టికెట్ ధరలు రూ.90 నుంచి రూ.200 మధ్యలో ఉన్నాయి.

తాజా సమాచారం ప్రకారం ‘సికందర్’ అడ్వాన్స్ టికెట్ అమ్మకాల్లో విశేషమైన ఆదరణ పొందుతోంది. మార్చి 25న ప్రారంభమైన ప్రీ-బుకింగ్స్ ద్వారా ఇప్పటివరకు 98,296 టికెట్లు అమ్ముడయ్యాయి, దీనివల్ల బాక్సాఫీస్ వసూళ్లకు రూ.2.83 కోట్లు వచ్చినట్లు అంచనా. ప్రధానంగా 2డీ ఫార్మాట్‌లో టికెట్లు ఎక్కువగా అమ్ముడయ్యాయి, ఈ ఫార్మాట్ ద్వారా రూ.2.81 కోట్లు వసూలు కాగా, ఐమాక్స్ 2డీ ద్వారా మిగతా మొత్తాన్ని సంపాదించింది. మహారాష్ట్ర, ఢిల్లీ ప్రధాన మార్కెట్లుగా నిలిచాయి. మహారాష్ట్రలో రూ.1.55 కోట్లు అడ్వాన్స్ బుకింగ్స్ ద్వారా వచ్చినట్లు, ఢిల్లీలో రూ.1.29 కోట్లు వసూలైనట్లు సమాచారం. మరి ఈ ఈద్‌కు భారీ ఉత్సాహాన్ని తెస్తున్న ‘సికందర్’.. బాలీవుడ్ బాక్సాఫీస్‌ను ఏ రేంజ్ లో షేక్ చేస్తుందో చూడాలి.