ఇండియాలో ల్యాండ్ అయిన అందాల సమంత !

టాలీవుడ్ టాప్ బ్యూటీ .. సమంత రుత్ ప్రభు కొద్దిరోజులుగా ప్రపంచమంతటా ప్రయాణాలు చేస్తోంది. డిసెంబరులో ఆమె క్రిస్మస్, కొత్త సంవత్సరం 2025 జరుపుకోవడానికి యునైటెడ్ స్టేట్స్‌కి వెళ్ళింది. న్యూయార్క్ నుండి తన వర్కౌట్స్, తదితర కార్యకలాపాల వీడియోలను సోషల్ మీడియాలో షేర్ చేసింది. ప్రస్తుతం ఆమె ఇండియాకి తిరిగి వచ్చింది. బుధవారం.. ఆమె చెన్నై, ముంబైలో జరిగిన ఈవెంట్స్ లో కనిపించింది.

సమంత ఇటీవల చెన్నైలో ప్రపంచ పికెల్‌బాల్ లీగ్ (డబ్ల్యూపీఎల్) కోసం చెన్నై సూపర్ చాంప్స్ జెర్సీని ఆవిష్కరించిన కార్యక్రమంలో పాల్గొంది. ఆమె ఈ జట్టు యజమానిగా ఉంది. చెన్నైలోని సత్యభామ విశ్వవిద్యాలయంలో నిర్వహించిన ఈ కార్యక్రమంలో జట్టు పసుపు-ఎరుపు రంగుల జెర్సీని అధికారికంగా ఆవిష్కరించింది. ఈ కార్యక్రమం తర్వాత సమంత ముంబైకి పయనమై, తన కొత్త వెబ్ సిరీస్ "రక్త బ్రహ్మాండ" చిత్రీకరణలో పాల్గొంది.