BRSలో కుటుంబ విభేదాలు పార్టీకి చేటు
ప్రత్యర్థులు పార్టీ బలహీనతను వాడుకునే అవకాశం పెరుగుతోందని భయం - KCR మధ్యవర్తిత్వం తప్పనిసరి అని క్యాడర్ల అభిప్రాయం;
తెలంగాణ రాజకీయాల్లో కుటుంబ విభేదాలు మళ్లీ చర్చకు వచ్చాయి. ముఖ్యంగా BRS పార్టీ లో KTR – కవిత మధ్య ఉన్న ఉద్రిక్తత, పార్టీ భవిష్యత్తుపై ప్రభావం చూపే పరిస్థితి సృష్టించింది. సాధారణంగా ప్రజలు ఒక నాయకుడిని కేవలం రాజకీయ నిర్ణయాల ద్వారానే కాకుండా, ఆయన కుటుంబంతో ఉండే వ్యవహారశైలిని కూడా గమనిస్తారు. కుటుంబంలో ఐక్యత ఉండకపోతే, అది ప్రజల్లో ప్రతికూల భావన కలిగిస్తుంది.
ఉమ్మడి ఆంధ్రప్రదేశ్ కాలంలోనే కుటుంబ విభేదాల రాజకీయ దుష్ప్రభావం ప్రజలు చూశారు. చంద్రబాబు – వైఎస్ రాజశేఖర్ రెడ్డి మధ్య ఉన్న భిన్నత్వం, వైఎస్ కుటుంబంలో జగన్ – శర్మిల మధ్య ఏర్పడిన దూరం, ఆ నేతలపై ప్రజల విశ్వాసాన్ని కొంత మేరకు దెబ్బతీసింది. అలాంటి పరిస్థితి ఇప్పుడు తెలంగాణలో BRSకి ఎదురవుతుందేమో అన్న భయం పార్టీ శ్రేణుల్లో వ్యక్తమవుతోంది.
ఇటీవల కవిత చేసిన వ్యాఖ్యలు, BJPతో కలిసే ప్రయత్నాలు జరుగుతున్నాయన్న ఆరోపణలు, అలాగే పార్టీ లోపల లేఖలు లీక్ అవుతున్నాయన్న అంశం, KTR – కవిత విభేదాలను మరింత బహిర్గతం చేశాయి. ఈ సంఘటనలు సాధారణ విభేదాల కంటే రాజకీయ పరంగా పెద్ద చర్చకు కారణమయ్యాయి. పార్టీ బలహీనతను ప్రత్యర్థులు వాడుకునే అవకాశం కూడా పెరిగింది.
ఈ పరిస్థితిలో పార్టీ కార్యకర్తలు, క్యాడర్లు ఒకటే మాట చెపుతున్నారు, KCR కుటుంబ పెద్దగా ముందుకు వచ్చి సమస్యను పరిష్కరించాలి. ఇద్దరినీ కలిపి మాట్లాడించి, విభేదాలనుఇంట్లోనే పరిష్కరించగలిగితేనే పార్టీ ఐక్యత నిలబెట్టవచ్చు.లేదంటే, కుటుంబ అంతర్గత సమస్యలు పార్టీ రాజకీయ భవిష్యత్తుపై దీర్ఘకాలిక ప్రభావం చూపే ప్రమాదం ఉంది అని పార్టీ శ్రేణులో చర్చ జర్గుతున్నట్టు తెలుస్తుంది.