టాలీవుడ్‌లో టాప్ బడ్జెట్ మూవీ.. ఎన్టీఆర్ ఫిల్మ్ కొత్త రికార్డు?
మ్యాన్ ఆఫ్ మాసెస్ ఎన్టీఆర్ ప్రస్తుతం రెండు భారీ సినిమాలతో బిజీగా ఉన్నాడు. ఒకవైపు యశ్ రాజ్ ఫిల్మ్స్ నిర్మిస్తున్న ‘వార్ 2’ షూటింగ్‌ను పూర్తి చేస్తూనే, మరోవైపు స్టార్ డైరెక్టర్ ప్రశాంత్ నీల్‌తో తన నెక్స్ట్ పాన్-ఇండియా ప్రాజెక్ట్‌కు సిద్ధమవుతున్నాడు. ఇప్పటికే ఎన్టీఆర్-నీల్ మూవీ షూటింగ్ మొదలైంది.
ప్రస్తుతానికి ఎన్టీఆర్ లేని కొన్ని కీలక సన్నివేశాలను చిత్రీకరిస్తున్నారు. అయితే, ఈ ప్రాజెక్ట్‌కు సంబంధించి బడ్జెట్ ఇప్పుడు సోషల్ మీడియాలో హాట్ టాపిక్ గా మారింది. ఎన్టీఆర్-నీల్ మూవీ కోసం ఎన్టీఆర్ ఆర్ట్స్, మైత్రీ మూవీ మేకర్స్ రూ.400 కోట్ల భారీ బడ్జెట్ ను కేటాయించినట్లు తెలుస్తోంది. బడ్జెట్ పరంగా ఎన్టీఆర్ సినిమాల్లోనే ఇదొక మైలురాయిగా నిలవనుందట.
ఈ సినిమాలో ఎన్టీఆర్ పూర్తి భిన్నమైన పాత్రలో కనిపించబోతున్నాడు. హీరోలను ఓ రేంజులో ఎలివేట్ చేయడంలో దిట్ట ప్రశాంత్ నీల్. ఇక ఈ సినిమాలో తారక్ ఎలివేషన్స్ ఎంతో ప్రత్యేకంగా ఉంటాయట. ఎన్టీఆర్ మునుపెన్నడూ చేయని తరహా మాస్, రా, ఇంటెన్స్ లుక్‌లో ఈ సినిమాలో కనిపించబోతున్నట్టు తెలుస్తోంది. వచ్చే యేడాది ప్రథమార్థంలో ఎన్టీఆర్-నీల్ మూవీ థియేటర్లలోకి రానుంది.