సితార ఎంటర్‌టైన్‌మెంట్స్ ద్వారా తెలుగులో సూర్య ‘రెట్రో’!
సూర్య నటిస్తున్న ‘రెట్రో’ చిత్రం మే 1న తెలుగు ప్రేక్షకులను అలరించేందుకు సిద్ధమవుతోంది. ఇప్పటికే టీజర్‌కు అద్భుతమైన స్పందన లభించడంతో సినిమాపై అంచనాలు పెరిగాయి. ఈ సినిమాను ప్రముఖ నిర్మాణ సంస్థ సితార ఎంటర్‌టైన్‌మెంట్స్ తెలుగులో భారీ స్థాయిలో విడుదల చేయబోతుంది.
కార్తిక్ సుబ్బరాజ్ దర్శకత్వంలో రూపొందుతోన్న ఈ చిత్రంలో పూజా హెగ్డే, జోజు జార్జ్, జయరాం, నాజర్, ప్రకాష్ రాజ్ కీలక పాత్రల్లో నటిస్తున్నారు. సంతోష్ నారాయణన్ అందిస్తున్న సంగీతం ఈ చిత్రానికి ప్రత్యేక ఆకర్షణ కానుంది.
సూర్య & జ్యోతిక నిర్మాణ సంస్థ 2D ఎంటర్‌టైన్‌మెంట్ ఈ సినిమాను నిర్మిస్తుండగా, సితార ఎంటర్‌టైన్‌మెంట్స్ తెలుగులో భారీ స్థాయిలో థియేట్రికల్ రిలీజ్ చేస్తుంది. సితార సంస్థకు గతంలో 'దేవర, లియో, బ్రహ్మాయుగం' వంటి సినిమాలను డిస్ట్రిబ్యూట్ చేసిన అనుభవం ఉంది. ఒకవైపు వరుస సినిమాలను నిర్మిస్తూనే, పంపిణీ రంగంలోనూ దూసుకెళ్తుంది సితార.