సోలోగా రాబోతున్న బాలయ్య ‘అఖండ 2’

నటసింహం నందమూరి బాలకృష్ణ ‘అఖండ 2’ తో బాక్సాఫీస్ వద్ద అడుగు పెట్టబోతున్నారు. ఈ చిత్రం డిసెంబర్ 5న థియేటర్లలో విడుదల కాబోతోంది. ఇప్పటికే ప్రమోషనల్ క్యాంపెయిన్ మొదలైంది. ముఖ్యమైన అంశం ఏమిటంటే, పెద్ద సినిమాల పరంగా.. ఈ సినిమా సోలోగా రిలీజ్ కాబోతోంది. అది దీని విజయానికి పెద్దదైన ప్లస్ అవుతుంది.

పవన్ కళ్యాణ్ ‘ఓజీ’ సినిమా వచ్చిన తర్వాత ఇప్పటివరకు మరో పెద్ద సినిమా రాలేదు. ‘మాస్ జాతర, తెలుసుకదా’ వంటి సినిమాలు రిలీజ్ అవుతున్నా.. వీటిలో బడా స్టార్ హీరో మూవీ లేదు. అంటే ప్రేక్షకులు థియేటర్లలో ఒక స్టార్ హీరో సినిమా కోసం ఎదురుచూస్తున్న వాతావరణం ఏర్పడింది. బాలయ్య , బోయపాటి శ్రీను కాంబోమూవీ ‘అఖండ 2’ ఈ గ్యాప్‌లో థియేటర్లలోకి రావడం వలన భారీ లాభం పొందే అవకాశం ఉంది. అదనంగా, ఈ సినిమాకు ఉన్న సీక్వెల్ హైప్, గ్రాండ్ స్కేల్ ప్రొడక్షన్, భారీ యాక్షన్, మాస్ అట్రాక్షన్.. ఇలా అన్నీ కలిసి దీని రేంజ్‌ను పెంచబోతున్నాయి.

మొత్తానికి, స్టార్ హీరో సినిమాల లేని గ్యాప్ ప్లస్ సీక్వెల్ అంచనాలు కలిసివచ్చి ‘అఖండ 2’ కు భారీ బజ్ కల్పిస్తున్నాయి. ఇక ఈ వాతావరణాన్ని బోయపాటి శ్రీను ఎలా ఉపయోగించుకొని బాలకృష్ణను మాస్ ఆడియెన్స్ ముందు చూపిస్తారనేది కీలకంగా మారింది.