మళ్ళీ పోస్ట్ పోన్ అవుతుందా?

మాస్ మహారాజా రవి తేజ హీరోగా నటిస్తున్న ‘మాస్ జాతర’ సినిమా, వినాయక చవితి కానుకగా.. ఆగస్టు 27న రిలీజ్ కావాల్సి ఉండగా.. ఇప్పుడు సెప్టెంబర్‌కు వాయిదా పడే అవకాశాలున్నాయి. ఒక పాట షూటింగ్ పెండింగ్‌లో ఉండటమే ఈ డిలేకి ప్రధాన కారణం. టాలీవుడ్ ఉద్యోగుల సమ్మె వల్ల ఈ షూట్ పూర్తి కాలేదు. అంతేకాదు, కొన్ని సీన్స్‌ను రీషూట్ చేయాల్సి ఉంది.

ఇటీవల రిలీజ్ అయిన ఒక పాటలోని “ఊర మాస్” లిరిక్స్‌పై సోషల్ మీడియాలో గట్టిగా ట్రోలింగ్ జరిగింది. దీంతో.. మేకర్స్ ఆ లిరిక్స్‌ని మార్చాలని ప్లాన్ చేస్తున్నారు. ఈ అంశాలన్నీ దృష్టిలో ఉంచుకుని, సితార ఎంటర్‌టైన్‌మెంట్స్ సినిమాను మరింత క్వాలిటీగా రిలీజ్ చేయాలని ఫిక్స్ అయ్యింది.

ఈ వీకెండ్ తర్వాత ఫైనల్ కాల్ తీసుకోనున్నారు. ‘మాస్ జాతర’ లో రవి తేజ పోలీస్ రోల్‌లో, శ్రీలీల స్టూడెంట్‌గా కనిపించనున్నారు. రచయిత భాను భోగవరపు తొలి డైరెక్టోరియల్ వెంచర్‌గా ఈ మూవీ రూపొందుతోంది. మరి ఈ సినిమా అయినా రవితేజకు మంచి సక్సెస్ ఇస్తుందేమో చూడాలి.