రిలీజ్ డేట్ లాక్ అయింది!

డైనమిక్ హీరో అడివి శేష్ చాలా రోజుల తర్వాత పూర్తి స్థాయి పాత్రలో బిగ్ స్క్రీన్‌పై కనిపించ బోతున్నాడు. అతని తదుపరి చిత్రం డెకాయిట్.. ఒక ఇంటెన్స్ లవ్ యాక్షన్ సాగా. ఈ మూవీ 2025 క్రిస్మస్‌కి విడుదల కానుంది. ఈ చిత్రంలో మృణాళ్ ఠాకూర్ హీరోయిన్‌గా నటిస్తోంది. చాలామంది అడివి శేష్ మోస్ట్ అవెయిటింగ్ ‘గూఢచారి 2’ ముందు విడుదలవుతుందని ఊహించారు. కానీ డెకాయిట్ విడుదల తేదీ చాలామందికి ఆశ్చర్యం కలిగించింది.

‘గూఢచారి 2’ 2018లో సూపర్ హిట్ అయిన స్పై థ్రిల్లర్ ‘గూఢచారి’ కి సీక్వెల్. ఇక అందరూ ఎదురుచూస్తున్న అప్‌డేట్ వచ్చేసింది. ఈ స్పై యాక్షన్ థ్రిల్లర్ 2026 మే 1న బిగ్ స్క్రీన్‌పై విడుదల కానుంది. అంతర్జాతీయ కార్మిక దినోత్సవాన్ని సద్వినియోగం చేసుకోవాలని నిర్మాతలు భావిస్తున్నారు.

ఈ చిత్రం తెలుగు, హిందీ, తమిళం, కన్నడ, మలయాళం భాషల్లో విడుదల కానుంది. డెకాయిట్ చిత్రీకరణ 6 దేశాల్లో, 23 సెట్స్‌లో, 150 రోజులకు పైగా జరిగింది. బాలీవుడ్ నటులు ఇమ్రాన్ హష్మీ, వామిఖా గబ్బీ కీలక పాత్రల్లో నటిస్తున్నారు. టీజీ విశ్వ ప్రసాద్, అభిషేక్ అగర్వాల్, అనిల్ సుంకర ఈ చిత్రాన్ని పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్‌టైన్‌మెంట్స్ బ్యానర్లపై నిర్మిస్తున్నారు. ఈ స్టైలిష్ ఫ్లిక్‌కి వినయ్ కుమార్ సిరిగినీడి దర్శకత్వం వహిస్తున్నారు. సంగీత సమర్పణ శ్రీ చరణ్ పకాల.