మల్టీ ప్రాజెక్టులతో బాలయ్య స్పీడ్ !

నందమూరి బాలకృష్ణ బోయపాటి శ్రీను దర్శకత్వంలో "అఖండ 2" సినిమాను పూర్తి చేసే పనిలో ఉన్నారు. ఈ సినిమా 2025 డిసెంబర్‌లో విడుదల కానుంది. అదే సమయంలో.. ఆయన ఇటీవల ప్రకటించిన గోపీచంద్ మలినేని దర్శకత్వంలో కొత్త ప్రాజెక్ట్‌ను మొదలుపెట్టేందుకు సిద్ధమవుతున్నారు.

అయితే.. 2026లో ఒకే సినిమాకు పరిమితం కావాలని బాలకృష్ణ భావించడం లేదు. మలినేని ప్రాజెక్ట్‌తో పాటు, మరో సినిమాను కూడా సెట్స్‌పైకి తీసుకెళ్లాలని ప్లాన్ చేస్తున్నారు. క్రిష్ దర్శకత్వంలో కల్ట్ క్లాసిక్ "ఆదిత్య 369"కి సీక్వెల్‌గా "ఆదిత్య 999" అనే సినిమా త్వరలో మొదలయ్యే అవకాశం ఉందని టాక్.

ఆసక్తికరంగా, "ఆదిత్య 999" షూటింగ్ మధ్యలోనే బాలకృష్ణ మరో సినిమాను కూడా ప్రారంభించాలని ఆలోచిస్తున్నారు. ఆయన కొత్త కథల కోసం ఆసక్తిగా ఎదురుచూస్తూ.. దర్శకుల నుంచి సరికొత్త ఐడియాలను స్వీకరించడానికి సిద్ధంగా ఉన్నారు. బాలకృష్ణ తన వేగాన్ని పెంచి.. ముందుకు సాగుతూ.. ఇలా ఒకేసారి బహుళ ప్రాజెక్ట్‌లను చేపట్టాలని లక్ష్యంగా పెట్టుకున్నారు.