దుల్కర్ సల్మాన్ కు జోడీగా పూజా హెగ్డే
దుల్కర్ సల్మాన్ కెరీర్ లో ఇది 41వ సినిమా. సుధాకర్ చెరుకూరి నిర్మాణంలో యస్ యల్వీ సినిమాస్ బ్యానర్‌పై రవి నేలకుదిటి దర్శకత్వంలో ఈ చిత్రం తెరకెక్కుతోంది.;
టాలీవుడ్ బ్యూటీ పూజా హెగ్డే కెరీర్ మళ్లీ సౌత్ ఇండియన్ సినిమాలతో ఊపందుకుంటోంది, ఆమె వరుసగా ఆసక్తికరమైన ప్రాజెక్ట్‌లను సొంతం చేసుకుంటోంది. ఇటీవల ఆమె నటించిన తమిళ చిత్రం “రెట్రో” బాక్సాఫీస్ వద్ద అంతగా ఆకట్టుకోలేకపోయినప్పటికీ, రజనీకాంత్ నటించిన “కూలీ” చిత్రంలో ఆమె ఐటెం సాంగ్ వైరల్ సెన్సేషన్‌గా మారి, ఆమె స్టార్ పవర్ ఏ పాటిదో చాటిచెప్పింది.
ఇప్పుడు, పూజా హెగ్డే మలయాళ యంగ్ సూపర్ స్టార్ దుల్కర్ సల్మాన్ నటిస్తున్న సరికొత్త మలయాళ సినిమాలో హీరోయిన్ గా అధికారికంగా అడుగుపెట్టనుంది. దుల్కర్ సల్మాన్ కెరీర్ లో ఇది 41వ సినిమా. సుధాకర్ చెరుకూరి నిర్మాణంలో యస్ యల్వీ సినిమాస్ బ్యానర్‌పై రవి నేలకుదిటి దర్శకత్వంలో ఈ చిత్రం తెరకెక్కుతోంది. ఈ ప్రాజెక్ట్ రవి దర్శకుడిగా తొలి చిత్రం. ప్రస్తుతం హైదరాబాద్‌లో షూటింగ్ జరుపుకుంటోంది. చిత్ర బృందం పూజా హెగ్డేను దుల్కర్ సల్మాన్ సరసన హీరోయిన్‌గా అధికారికంగా ప్రకటించింది. ఇది వీరిద్దరి తొలి కలయిక.
ఈ ప్రకటనను సెలబ్రేట్ చేస్తూ ఓ స్పెషల్ వీడియోను విడుదల చేశారు. ఇందులో షూటింగ్‌లోని కొన్ని ఆసక్తికరమైన సన్నివేశాలు ఉన్నాయి. వీడియోలో పూజా, దుల్కర్ వెనక స్కూటీపై కూర్చుని, వీరి ఆన్-స్క్రీన్ కెమిస్ట్రీ అద్భుతంగా కనిపిస్తోంది. ఈ మూవీ ఒక గ్రాండ్ పాన్-ఇండియా ఎంటర్‌టైనర్‌గా రూపొందుతోంది, తెలుగు, మలయాళం సహా బహుళ భాషల్లో విడుదల కానుంది.