'కన్నప్ప' నుంచి 'శివ శివ శంకరా'!

విష్ణు మంచు 'కన్నప్ప' ప్రమోషన్స్ స్పీడందుకున్నాయి. ఏప్రిల్ 25న వరల్డ్ వైడ్ గా రిలీజ్ కు రెడీ అవుతున్న ఈ సినిమా నుంచి ఇప్పటికే టీజర్ రిలీజవ్వగా.. లేటెస్ట్ గా ఫస్ట్ సింగిల్ 'శివ శివ శంకరా'ను విడుదల చేశారు. స్టీఫెన్ దేవస్సీ మ్యూజిక్ లో రామజోగయ్య శాస్త్రి రాసిన ఈ పాటను విజయ్ ప్రకాష్ ఆలపించాడు.

ప్రభుదేవా కొరియోగ్రఫీ చేసిన ఈ పాటలో శివ భక్తుడు కన్నప్పగా విష్ణు అలరిస్తున్నాడు. శివుడి నామస్మరణతో తనకు తోచిన రీతిలో శివ లింగాన్ని పూజిస్తూ ఆయన నామస్మరణతో లోకాన్ని మైమరచిపోయే భక్తుడిగా విష్ణు కనిపిస్తున్నాడు.

పురాణ కథతో ముకేష్ కుమార్ సింగ్ తెరకెక్కిస్తున్న ఈ సినిమాలో విష్ణుకి జోడీగా ప్రీతి ముకుందన్ నటిస్తుంది. ఇతర కీలక పాత్రల్లో ప్రభాస్, శరత్ కుమార్, మోహన్ లాల్, అక్షయ్ కుమార్, మోహన్ బాబు వంటి వారు కనిపించనున్నారు. తెలుగుతో పాటు పలు భాషల్లో వేసవి కానుకగా 'కన్నప్ప' విడుదలకు ముస్తాబవుతుంది.