సరికొత్తగా ‘రావు బహదూర్‘ టీజర్

టాలీవుడ్‌లో టాలెంటెడ్ యాక్టర్ గా ప్రత్యేకమైన గుర్తింపు పొందాడు సత్యదేవ్. ఈమధ్య ఎక్కువగా క్యారెక్టర్స్ లో అలరిస్తున్న సత్యదేవ్.. ఇప్పుడు టైటిల్ రోల్ లో కనిపించబోతున్న చిత్రం ‘రావు బహదూర్‘. ఇప్పటికే ఫస్ట్ లుక్ తో ఆకట్టుకున్న ఈ మూవీ నుంచి టీజర్ వచ్చేసింది. దర్శకధీరుడు రాజమౌళి ‘రావు బహదూర్‘ టీజర్ ను సోషల్ మీడియా వేదికగా రిలీజ్ చేశారు. ఫాంటసీ టచ్‌తో సాగే సైకలాజికల్ డ్రామాగా ఈ టీజర్ ఆకట్టుకుంటుంది.

ఈ సినిమాను ‘కేరాఫ్ కంచరపాలెం, ఉమామహేశ్వర ఉగ్రరూపస్య‘ లాంటి విభిన్న చిత్రాలతో గుర్తింపు తెచ్చుకున్న వెంకటేష్ మహా తెరకెక్కిస్తున్నాడు. ఆయనకీ, సత్యదేవ్‌కీ ఇది రెండో కాంబినేషన్ కావడంతో అంచనాలు మరింత పెరిగాయి. ఈ సినిమాని శ్రీచక్ర ఎంటర్టైన్మెంట్స్, ఏ ప్లస్ ఎస్ సినిమాస్ సంయుక్తంగా నిర్మిస్తున్నాయి. మరో విశేషమమేటంటే ఈ మూవీకి సూపర్ స్టార్ మహేష్ బాబు ప్రొడ్యూసర్ గా వ్యవహరిస్తుండటం. వచ్చే వేసవిలో ఈ సినిమా ప్రేక్షకుల ముందుకు రానుంది.