విడుదల ఖరారు చేసుకున్న విక్రమ్ చిత్రం!

విలక్షణ నటుడు విక్రమ్ ప్రధాన పాత్రలో ఎంతో ప్రతిష్టాత్మకంగా రూపొందుతున్న యాక్షన్ ఎంటర్టైనర్ ‘వీర ధీర శూర పార్ట్ 2’. అసలు ఒక సినిమాకి ఫస్ట్ పార్ట్ రిలీజైన తర్వాత సెకండ్ పార్ట్ తీసుకొస్తారు. కానీ ఈ చిత్రాన్ని సెకండ్ పార్ట్ తో మొదలు పెట్టడం విశేషం. ఎస్.యు.అరుణ్ కుమార్ దర్శకత్వంలో రూరల్ యాక్షన్ డ్రామాగా ఈ సినిమా రూపొందింది. ఈ చిత్రంలో ఎస్.జె. సూర్య, సూరజ్ వెంజరమూడు, దుషార విజయన్ కీలక పాత్రలు పోషించారు.

హెచ్.ఆర్.పిక్చర్స్ బ్యానర్‌పై రియా శిబు నిర్మించిన ఈ సినిమా ప్రేక్షకులకు అద్భుతమైన విజువల్ ట్రీట్ అందిస్తుందని నమ్ముతుంది టీమ్. మొదట ఈ చిత్రాన్ని ఈ ఏడాది పొంగల్ రేసులో విడుదల చేద్దామనుకున్నారు. అనివార్య కారణాలతో వాయిదా పడింది. లేటెస్ట్ గా ఈ మూవీ న్యూ రిలీజ్ డేట్ కన్ఫమ్ చేసుకుంది. మార్చి 27న వరల్డ్ వైడ్ గా విడుదలకు ముస్తాబవుతుంది. ఎన్.వి.ఆర్. సినిమాస్ ఈ చిత్రాన్ని తెలుగులో విడుదల చేస్తుంది.