టామ్ క్రూజ్ సాహసాలకు గిన్నీస్ వరల్డ్ రికార్డ్ !

మూడు సార్లు అకాడమీ అవార్డుకు నామినేట్ అయిన హాలీవుడ్ హీరో టామ్ క్రూజ్ తన అద్భుతమైన లుక్స్ , యాక్టింగ్ టాలెంట్ తో ప్రసిద్ధి చెందాడు. ఇప్పుడు ఈ నటుడు మరో స్టంట్ సంబంధిత ఘనతను తన సొంతం చేసుకున్నాడు. గిన్నిస్ వరల్డ్ రికార్డ్స్ టైటిల్ ను సాధించాడు. తన ధైర్యసాహసాలు , ఆకర్షణీయమైన వ్యక్తిత్వంతో, ‘మిషన్ ఇంపాసిబుల్’ సిరీస్‌లో ఈతన్ హంట్‌గా ప్రేక్షకులను ఆకట్టుకున్నాడు. ఆకాశహర్మ్యాలు ఎక్కడం, కొండలపై నుండి మోటర్‌సైకిళ్లతో దూకడం, విమానం గాలిలో ఉండగా దాని పక్కన వేలాడడం .. ఇలాంటి స్టంట్లతో అతను ప్రేక్షకులను ఆశ్చర్యపరిచాడు.

టామ్ క్రూజ్ సూపర్‌ఫ్యాన్స్‌కు తెలుసు, అతను నిజమైన యాక్షన్ సన్నివేశాలను అందించడానికి కట్టుబడి ఉంటాడు. అందుకే, బుర్జ్ ఖలీఫా ఎక్కడం లేదా బైప్లేన్ నుండి వేలాడడం వంటి స్టంట్లను అతను స్వయంగా చేస్తాడు. మిషన్ ఇంపాసిబుల్ సిరీస్ ఇప్పుడు అతని పేరుతో ముడిపడి ఉంది, ప్రేక్షకులకు థియేటర్‌లో చూడదగిన అద్భుత సన్నివేశాలను అందించింది. తాజా ఎనిమిదో భాగం, ‘మిషన్ ఇంపాసిబుల్ - ది ఫైనల్ రెకనింగ్’... ఈ స్థాయిని మరో మెట్టు ఎక్కించింది.

టామ్ ఈ చిత్రంలో చేసిన అద్భుత స్టంట్లు అతనికి గిన్నిస్ వరల్డ్ రికార్డ్‌ను అందించాయి. వ్యక్తిగతంగా అత్యధిక బర్నింగ్ పారాచూట్ జంప్‌లు. ఈ నటుడు హెలికాప్టర్ నుండి 16 సార్లు ఇంధనంలో ముంచిన, మండుతున్న పారాచూట్‌తో దూకాడు, తర్వాత కాలిపోయిన పారాచూట్‌ను కత్తిరించి, బ్యాకప్ పారాచూట్‌తో సురక్షితంగా ల్యాండ్ చేశాడు. ఈ స్థాయి ప్రమాదకర జంప్‌లను ఏ నటుడు లేదా స్టంట్‌మ్యాన్ చేయలేదు. ఈ ఘనతకు గాను అతడికి జూన్ 4న ఈ రికార్డ్ అందించారు.