బాలీవుడ్ అనుభవం.. ఆసక్తికర షరతు!
నిధి అగర్వాల్‌ తొలి సినిమా బాలీవుడ్‌లోనే. టైగర్‌ ష్రాఫ్‌ సరసన 'మున్నా మైకేల్' చిత్రంతో వెండితెరకు పరిచయమైన నిధి.. ఆ సినిమా ఒప్పందంపై ఇటీవల ఆసక్తికర విషయాలను వెల్లడించింది.;
'ఇస్మార్ట్‌ శంకర్' సినిమాతో ప్రేక్షకుల దృష్టిని ఆకర్షించిన నిధి అగర్వాల్‌, అందం, అభినయంతో మంచి గుర్తింపు తెచ్చుకుంది. అయితే ఆ సినిమా తర్వాత ఆమె చేసిన ప్రాజెక్టులు ఆశించిన స్థాయిలో విజయాన్ని అందించలేకపోయాయి. అయినప్పటికీ, ప్రస్తుతం ఆమె నటిస్తున్న రెండు భారీ చిత్రాలు, ఆమె కెరీర్‌కు కొత్త ఊపునివ్వవచ్చనే విశ్వాసంతో ఉంది. ప్రస్తుతం నిధి అగర్వాల్‌, పవన్‌ కళ్యాణ్‌ సరసన 'హరి హర వీరమల్లు'లో నటిస్తుండగా, ప్రభాస్‌ హీరోగా మారుతి తెరకెక్కిస్తున్న 'రాజాసాబ్' చిత్రంలో కూడా ఒక ప్రధాన పాత్ర పోషిస్తోంది. ఈ రెండు సినిమాలు ఆమెకు టాలీవుడ్‌లో తిరుగులేని స్థానం కల్పించే అవకాశమున్నవని సినీ వర్గాలు అంచనా వేస్తున్నాయి.
నిధి అగర్వాల్‌ తొలి సినిమా బాలీవుడ్‌లోనే. టైగర్‌ ష్రాఫ్‌ సరసన 'మున్నా మైకేల్' చిత్రంతో వెండితెరకు పరిచయమైన నిధి.. ఆ సినిమా ఒప్పందంపై ఇటీవల ఆసక్తికర విషయాలను వెల్లడించింది. మొదటగా మోడలింగ్‌ చేసిన ఆమె, తన తొలి చిత్ర అవకాశాన్ని ఆనందంతో అంగీకరించింది. అయితే ఒప్పందంలోని షరతులను పూర్తిగా చదవకుండానే సంతకం చేసిందట. ఆ ఒప్పందంలో... సినిమా షూటింగ్ పూర్తయ్యేంత వరకు ఏ హీరోతోనూ డేటింగ్‌ చేయకూడదనే నిబంధన ఉంచినట్లు ఆమె చెప్పింది. అటువంటి షరతు కూడా ఉంటుందనే తనకు అప్పటివరకు తెలియదని, అది చూసి ఆశ్చర్యపోయానని నిధి పేర్కొంది. షూటింగ్ సమయంలో వ్యక్తిగత సంబంధాలు సినిమాపై ప్రభావం చూపుతాయనే ఉద్దేశంతోనే నిర్మాతలు ఇలాంటి నిబంధనలను అమలు చేస్తారని ఆమె అభిప్రాయపడింది.
ప్రస్తుతం నిధి అగర్వాల్‌ తన కెరీర్‌పై పూర్తి దృష్టి సారించింది. 'హరి హర వీరమల్లు' మరియు 'రాజాసాబ్' సినిమాల విజయాలపై స్పష్టత వచ్చే వరకు కొత్త ప్రాజెక్టుల ఎంపికలో ఆచితూచి ముందుకు సాగుతోంది. సినిమాలతో పాటు, సోషల్‌ మీడియా ద్వారా తన అభిమానులతో టచ్‌లో ఉంటూ, ఫోటోషూట్స్‌ మరియు ఇంటర్వ్యూల ద్వారా వార్తల్లో నిలుస్తోంది. ఈ రెండు చిత్రాలు విజయవంతం అయితే, నిధి అగర్వాల్‌ తన కెరీర్‌లో మరింత శక్తివంతమైన స్థానాన్ని సంపాదించుకునే అవకాశం ఉంది. టాలీవుడ్‌లో స్టార్ హీరోయిన్‌గా తన స్థానాన్ని పటిష్టం చేసుకునే దిశగా ఆమె ముందుకు సాగుతోంది.