కాజోల్ ను తెగ ట్రోల్ చేస్తున్నారు...!
హైదరాబాద్‌లోని రామోజీ ఫిల్మ్ సిటీలో షూటింగ్ సమయంలో తనకు వింతైన, నెగటివ్ ఎనర్జీ, హారర్ వైబ్స్ అనిపించాయని కాజోల్ వెల్లడించారు.;
బాలీవుడ్ నటీమణులు గుర్తింపు పొందడానికి వింత విషయాలను ఎంచుకోవడం ఇటీవల సర్వసాధారణంగా మారింది. అలాంటి సందర్భంలోనే నటి కాజోల్ తాజాగా చేసిన కామెంట్స్ కూడా ఈ విధంగానే చూడాలి. ఆమెను సెట్‌లో ఫేస్ చేసిన హారర్ అనుభవాల గురించి అడిగినప్పుడు.. హైదరాబాద్‌లోని రామోజీ ఫిల్మ్ సిటీలో షూటింగ్ సమయంలో తనకు వింతైన, నెగటివ్ ఎనర్జీ, హారర్ వైబ్స్ అనిపించాయని కాజోల్ వెల్లడించారు.
తన రాబోయే పౌరాణిక హారర్ చిత్రం ‘మా’ ప్రమోషన్ సందర్భంగా రామోజీ ఫిల్మ్ సిటీ గురించి మాట్లాడుతూ, అది అత్యంత హాంటెడ్ ప్రదేశాల్లో ఒకటని, ఆ స్థలానికి ఒక రహస్యమైన ఆకర్షణ ఉందని చెప్పారు. అక్కడ అనేక పారానార్మల్ యాక్టివిటీల కథలు చెబుతారని కూడా ఆమె పేర్కొన్నారు. ఈ కామెంట్స్, ఆమె చిత్రం హారర్ థీమ్‌తో బాగా సరిపోవడంతో, ఫ్యాన్స్ ఆశ్చర్యపోయి, ఆసక్తికరంగా భావించారు.
అయితే, సోషల్ మీడియాలో కాజోల్ వ్యాఖ్యలు వివాదాస్పదంగా మారాయి. కొందరు ఆమె ఈ కామెంట్స్ తన రాబోయే హారర్ చిత్రం మా కోసం మీడియా దృష్టిని ఆకర్షించడానికి, హైప్ క్రియేట్ చేయడానికి చేశారని అంటున్నారు. రామోజీ ఫిల్మ్ సిటీలో ఎలాంటి తప్పూ లేదని, అది పర్యాటకులతో పాటు స్థానికులకు కూడా ప్రసిద్ధ డెస్టినేషన్ అని కొందరు సమర్థిస్తున్నారు. ఈ బాలీవుడ్ నటి తన సినిమా కోసం ఉద్దేశపూర్వకంగా ఈ వ్యాఖ్యలు చేసిందని, దీని వల్ల సోషల్ మీడియాలో ఆమె ట్రోలింగ్‌కు గురవుతోంది.