'ఛావ' ట్రైలర్.. శంభాజీ గా విక్కీ కౌశల్ వీర విహారం!

'ఛావ' ట్రైలర్.. శంభాజీ గా విక్కీ కౌశల్ వీర విహారం!'ఛావ' ట్రైలర్.. శంభాజీ గా విక్కీ కౌశల్ వీర విహారం!బాలీవుడ్ స్టార్ విక్కీ కౌశల్ హీరోగా నటించిన చిత్రం 'ఛావ'. ఈ సినిమాలో నేషనల్ క్రష్ రష్మిక హీరోయిన్ గా నటించింది. ‘ఛావ‘ చిత్రం ఆద్యంతం ఛత్రపతి శివాజీ మహారాజ్ కుమారుడు ఛత్రపతి శంభాజీ మహారాజ్ జీవితం చుట్టూ తిరుగుతుంది. ఈ సినిమాలో శంభాజీగా విక్కీ కౌశల్ నటించగా.. ఆయన భార్య యేసుబాయి భోన్సలే పాత్రలో రష్మిక కనిపించబోతుంది. అక్షయ్ ఖన్నా, అశుతోష్ రాణా, దివ్య దత్త ఇతర కీలక పాత్రలు పోషించారు.

‘లూకా చుప్పి‘ ఫేమ్ లక్ష్మణ్ ఉతేకర్ దర్శకత్వంలో రూపొందిన ఈ సినిమా డిసెంబర్ మొదటి వారంలోనే రావాల్సి ఉంది. పుష్ప 2 కారణంగా పోస్ట్ పోన్ అయ్యింది. లేటెస్ట్ గా ఫిబ్రవరి 14న విడుదలకు ముస్తాబవుతున్న ఈ సినిమా ట్రైలర్ రిలీజ్ అయ్యింది. ట్రైలర్ ఆద్యంతం శంభాజీ వీరోచిత పోరాట ఘట్టాలతో ఆకట్టుకుంటుంది. హిస్టారికల్ ఈవెంట్స్ తో రూపొందిన ఈ సినిమాలోని ప్రతీ సన్నివేశాన్ని ఎంతో భారీగా తెరకెక్కించినట్టు తెలుస్తోంది. ఎ. ఆర్. రెహమాన్ సంగీతాన్ని సమకూర్చిన ఈ చిత్రాన్ని మ్యాడాక్ ఫిల్మ్స్ నిర్మిస్తుంది.