‘ది రాజా సాబ్‘ ప్రీ టీజర్

రెబెల్ స్టార్ ప్రభాస్ ‘ది రాజా సాబ్‘ టీజర్ కు కౌంట్ డౌన్ స్టార్ట్ అయ్యింది. రేపు (జూన్ 16) ఉదయం 10 గంటల 52 నిమిషాలకు టీజర్ రిలీజ్ కాబోతుంది. లేటెస్ట్ గా అందుకు సంబంధించి ఓ చిన్న ప్రీ టీజర్ ను వదిలారు మేకర్స్. టీజర్ పై మరింత క్యూరియాసిటీ పెంచేలా ఈ ప్రీ టీజర్ ఉంది. కొంతమంది నటులతో పాటు హీరోయిన్లు నిధి అగర్వాల్, మాళవిక మోహనన్, రిద్ది కుమార్ కూడా టీజర్ సర్ప్రైజ్ కోసం ఎదురుచూస్తున్నట్టుగా ఈ ప్రీ టీజర్ విజువల్స్ కట్ చేశారు.

మొత్తంగా.. వరుసగా యాక్షన్ మోడ్ లో చెలరేగిపోతున్న రెబెల్ స్టార్ నుంచి రాబోతున్న రొమాంటిక్ హారర్ జానర్ మూవీ ‘ది రాజా సాబ్‘. ఇప్పటికే ఇలాంటి తరహా సినిమాలతో ఘన విజయాలందుకున్న మారుతి.. ఈ సినిమాని సమ్ థింగ్ స్పెషల్ గా తీర్చిదిద్దాడట. తమన్ ఈ సినిమాకి సంగీతాన్ని సమకూరుస్తుండగా.. పీపుల్ మీడియా ఫ్యాక్టరీ భారీ బడ్జెట్ తో నిర్మిస్తుంది. డిసెంబర్ 5న ‘ది రాజా సాబ్‘ విడుదలకు ముస్తాబవుతుంది.