అంచనాలు పెంచుతున్న 'మయసభ'

'ప్రస్థానం, రిపబ్లిక్' వంటి చిత్రాల తర్వాత దర్శకుడు దేవా కట్టా నుంచి రాబోతున్న పొలిటికల్ థ్రిల్లర్ 'మయసభ'. 'రైజ్ ఆఫ్ ది టైటాన్స్' అనే ట్యాగ్ లైన్ తో వెబ్ సిరీస్ గా కిరణ్ జయ్ కుమార్ తో కలిసి దేవా కట్టా ఈ సిరీస్ ను తీర్చిదిద్దాడు. ఆది పినిశెట్టి, చైతన్య రావు ప్రధాన పాత్రల్లో నటించారు.

ఇద్దరు ప్రాణస్నేహితులు రాజకీయ ప్రత్యర్థులుగా ఎలా మారారు? వారి మధ్య విభేదాలు, ఆ విభేదాలవల్ల సమాజంలో చోటుచేసుకున్న మార్పులు ఎలా ఉన్నాయన్నదే ఈ సిరీస్ ఇతివృత్తం. 'మయసభ' ట్రైలర్‌ లేటెస్ట్ గా రిలీజై సెన్సేషనల్ సృష్టిస్తుంది. ఇందులో నాటి ఉమ్మడి ఆంధ్రప్రదేశ్ రాజకీయాలు, ముఖ్యంగా ఎన్టీఆర్, వైఎస్ రాజశేఖర్ రెడ్డి, చంద్రబాబు, ఇందిరా గాంధీ వంటి నేతల పాత్రలు ఆధారంగా రూపొందించినట్లు తెలుస్తోంది.

ఈ వెబ్ సిరీస్‌లో సాయికుమార్, దివ్యా దత్తా, నాజర్, శత్రు, శ్రీకాంత్ అయ్యంగార్ ఇతర ముఖ్య పాత్రలు పోషించారు. నిర్మాణ బాధ్యతలు విజయ్ కృష్ణ లింగమనేని, శ్రీహర్ష భాద్యతగా నిర్వహించారు. అక్టోబర్ 7 నుండి సోనీ లివ్‌ లో ‘మయసభ: రైజ్ ఆఫ్ ది టైటాన్స్’ స్ట్రీమింగ్ కి రెడీ అవుతుంది. ఈ సిరీస్ తెలుగుతో పాటు హిందీ, తమిళం, మలయాళం, కన్నడ భాషల్లో స్ట్రీమింగ్ కానుంది.