ఓటీటీలోకి రాబోతున్న ‘మజాకా’ చిత్రం

థియేటర్లలో ఫిబ్రవరి 26న విడుదలైన తెలుగు రొమాంటిక్ కామెడీ చిత్రం "మజాకా". ఈ మూవీ ప్రేక్షకుల నుంచి మిశ్రమ స్పందనను అందుకుంది. సందీప్ కిషన్ నటనకు మంచి ప్రశంసలు దక్కినప్పటికీ.. బాక్సాఫీస్ వద్ద చిత్రానికి అనుకున్న స్థాయిలో విజయం లభించలేదు. అయితే థియేటర్లలో చూడలేకపోయిన వారు త్వరలోనే ఈ చిత్రాన్ని ఓటీటీలో వీక్షించవచ్చు.

తాజా సమాచారం ప్రకారం "మజాకా" మార్చి 28న జీ5 ఓటీటీ వేదికలో స్ట్రీమింగ్ కానుంది. అయితే, ఈ విషయాన్ని ఇప్పటివరకు మేకర్స్ లేదా ప్లాట్‌ఫామ్ అధికారికంగా ధృవీకరించలేదు. రమణ కొడుకు కృష్ణ. తన ఇంటికి కోడల్ని తీసుకురావాలని రమణ ఆశపడతాడు. కానీ ఇంట్లో స్త్రీలు లేరనే కారణంతో ఏ ఫ్యామిలీ కూడా తమ కుమార్తెలను వాళ్ళింటికి కోడలుగా పంపించడానికి అంగీకరించవు. ఇదే సమయంలో కృష్ణ, మీరాపై ప్రేమ పెంచుకుంటాడు. తన కొడుకు ప్రేమ విజయవంతం కావాలని కోరుకున్న రమణ... యశోదను చూసి మనసు పారేసుకుంటాడు.

ఇద్దరూ తమ ప్రేమను గెలుచుకున్న తర్వాత తెలిసే నిజం ఏమిటంటే మీరా, యశోద మేనత్త, మేనకోడళ్ళు. ఈ సమస్యను సరి చేయాలని ముందుకొచ్చిన మీరా తండ్రి భర్గవ వర్మ.. అంతకు ముందే రమణ-కృష్ణలపై శత్రుత్వంతో రగిలిపోతుంటాడు. అతడు ఒక కఠినమైన షరతు పెడతాడు, మీరా, యశోద మధ్య ఉన్న విభేదాలను పరిష్కరించాలని.

భర్గవ వర్మ వారిని విఫలమవుతారని నమ్ముతాడు. అయితే, కృష్ణ, రమణ ధైర్యంగా ఈ సవాల్‌ను స్వీకరిస్తారు. హాస్యం, భావోద్వేగాలతో కూడిన అనేక ఒడిదొడుకుల మధ్య ఈ నలుగురు ఎలా ఒక్కటవుతారన్నది కథలో ప్రధాన ఆకర్షణ. ఈ కథ మొత్తం ఒక పోలీస్ స్టేషన్‌లోని ఫ్లాష్‌బ్యాక్‌లో నడుస్తుంది. మొత్తానికి, వినోదం, ప్రేమ, కుటుంబ బంధాలను సమపాళ్లలో కలిపిన "మజకా" ప్రేక్షకులకు మంచి వినోదాన్ని అందించేందుకు సిద్ధంగా ఉంది. మార్చి 28న జీ5లో చూడటానికి సిద్ధంగా ఉండండి.