ఓటీటీలోకి ‘బ్రహ్మ ఆనందం’

తెలుగు సినీ పరిశ్రమలో నవ్వుల రాజుగా పేరు గాంచిన బ్రహ్మానందం ప్రధాన పాత్రలో నటించిన 'బ్రహ్మ ఆనందం' సినిమా ఈ నెల 14 నుంచి ఆహా ఓటీటీలో సందడి చేస్తోంది. ఈ చిత్రంలో ఆయన తన సహజమైన హాస్యంతో పాటు, భావోద్వేగాల కలయికను అద్భుతంగా ప్రదర్శించారు. ఇందులో బ్రహ్మానందం.. తన తనయుడు రాజా గౌతమ్ కి తాత గా నటించడం విశేషం. ఆర్వీయస్ నిఖిల్ ఈ చిత్రానికి దర్శకుడు.

ఇప్పటి వరకు ఎక్కువగా హాస్య పాత్రల్లో అలరించిన బ్రహ్మానందం, ఈ సినిమాలో ఒక ప్రధాన పాత్ర పోషించడం విశేషం. కథలో హాస్యం, భావోద్వేగం, జీవిత సత్యాలు మేళవించిన తీరు ప్రేక్షకులను ఆకట్టుకుంది. ఆయన అభినయం, ప్రత్యేకమైన సంభాషణలు సినిమాకు ప్రధాన బలంగా నిలిచాయి.

సాధారణంగా బ్రహ్మానందం సినిమా అంటే కేవలం కామెడీని ఊహించేవారు. కానీ ఈ చిత్రం మాత్రం ప్రేక్షకులకు కొత్త అనుభూతిని కలిగించేలా తీర్చిదిద్దారు. ఈ కథలో ఆయన పాత్ర నవ్వించడమే కాకుండా, హృదయాన్ని హత్తుకునే భావోద్వేగాలను కూడా పంచుతుంది.

ఈ చిత్రం విడుదలైన తర్వాత, బ్రహ్మానందం అభినయానికి విపరీతమైన ప్రశంసలు దక్కాయి కానీ, సినిమా ఆశించిన స్థాయి లో సక్సెస్ కాలేకపోయింది. ఆయన హాస్యానికి అలవాటు పడిన ప్రేక్షకులు, ఈ సినిమాలోని భావోద్వేగపూరితమైన కోణాన్ని చూసి ఆశ్చర్యపోయారు. ఈ సినిమాతో మరోసారి బ్రహ్మానందం తన నటనకు కొత్త అర్థాన్ని తీసుకొచ్చారు. ఓటీటీలో ఈ చిత్రం ఎంత విజయవంతమవుతుందో చూడాలి!