ఛావా' తెలుగు ట్రైలర్ కి టైమ్ ఫిక్స్!

విక్కీ కౌశల్ ప్రధాన పాత్రలో, లక్ష్మణ్ ఉటేకర్ దర్శకత్వంలో రూపొందిన ‘ఛావా’ ఫిబ్రవరి 14న హిందీలో విడుదలై బాక్సాఫీస్ వద్ద సంచలన విజయాన్ని సాధించింది. మరాఠా సామ్రాజ్య వీరుడు శంభాజీ మహారాజ్ జీవితగాథ ఆధారంగా తెరకెక్కిన ఈ సినిమా ప్రేక్షకులను విశేషంగా ఆకట్టుకుంటోంది. రష్మిక మందన్న కథానాయికగా నటించిన ఈ చిత్రాన్ని మడాక్ ఫిల్మ్స్ బ్యానర్‌పై దినేశ్ విజన్ నిర్మించారు.

తాజాగా ఈ చిత్రాన్ని టాలీవుడ్ ప్రముఖ నిర్మాణ సంస్థ గీతా ఆర్ట్స్ ‘ఛావా’ పేరుతోనే తెలుగు ప్రేక్షకులకు అందించబోతుంది. మార్చి 7న తెలుగులో ఈ చిత్రాన్ని విడుదల చేయనున్నట్లు ఇప్పటికే అధికారికంగా ప్రకటించింది. తాజాగా, తెలుగు ట్రైలర్ విడుదల తేదీని కూడా ఖరారు చేసింది. మార్చి 3న ఉదయం 10 గంటలకు ట్రైలర్‌ను విడుదల చేయనున్నట్లు గీతా ఆర్ట్స్ ట్విట్టర్ వేదికగా వెల్లడించింది.