విజ్జూ.. నువ్వు గర్వపడేలా చేస్తాను : రష్మికా మందన్న

రౌడీ హీరో విజయ్ దేవరకొండ, నేషనల్ క్రష్ రష్మికా మందన్నా మధ్య డేటింగ్ రూమర్స్ గురించి మీడియాలో చాలా రిపోర్టులు వస్తుంటాయి. ఈ ఇద్దరూ ఈ రూమర్స్ గురించి ఎప్పుడూ నోరు మెదపకుండా ఉంటారు. అయినప్పటికీ, వీళ్లు తరచూ ఎయిర్‌పోర్టుల్లో కలిసి కనిపిస్తారు, ఇన్‌స్టాగ్రామ్‌లో ఒకే లొకేషన్ నుంచి ఫోటోలు పోస్ట్ చేస్తారు. దీంతో అవి ఈ రూమర్స్‌కు మరింత ఊతం ఇస్తుంటాయి.

ఇటీవల.. వీళ్ల ఇన్‌స్టాగ్రామ్ సంభాషణతో ఈ రూమర్స్ మళ్లీ తెరపైకి వచ్చాయి. రష్మికా నటించిన కొత్త సినిమా ‘మైసా’ ఫస్ట్ లుక్ పోస్టర్‌ను విజయ్ షేర్ చేస్తూ, “రష్మికా మందన్నా.. ఈ సినిమా అదిరిపోతుంది..” అని రాశాడు. దీనికి రష్మికా స్పందిస్తూ, “విజ్జూ! ఈ సినిమాతో నువ్వు గర్వపడేలా చేస్తానని ప్రామిస్ చేస్తున్నా..” అని రిప్లై ఇచ్చింది. రష్మికా విజయ్‌ను “విజ్జూ” అని పిలవడం, ఈ సినిమాతో అతన్ని గర్వపడేలా చేస్తానని చెప్పడం చూసి నెటిజన్లు వీళ్ల మధ్య సంబంధం ఉందని అనుమానిస్తున్నారు. కానీ, వీళ్లు ఈ రూమర్స్ గురించి ఎప్పటికీ ఓపెన్‌గా మాట్లాడే అవకాశం లేదని అందరికీ తెలుసు.

‘మైసా’ ఒక మహిళా ప్రధాన సినిమా, ఇందులో రష్మికా ఇప్పటివరకూ చూడని కొత్త అవతారంలో కనిపించనుంది. ఆమె ఫస్ట్ లుక్ పోస్టర్‌కు అద్భుతమైన స్పందన వచ్చింది. సినిమాపై అంచనాలు పెరిగాయి. ఈ చిత్రాన్ని రవీంద్ర పుల్లె డైరెక్ట్ చేశారు, అనిల్ మరియు అజయ్ సయ్యాపురెడ్డి నిర్మించారు.