పూరి - సేతుపతి సినిమా వచ్చేది అప్పుడేనా?

టాలీవుడ్ డైనమిక్ డైరెక్టర్ పూరి జగన్నాథ్.. కోలీవుడ్ మల్టీ టాలెంటెడ్ యాక్టర్ విజయ్ సేతుపతితో కాంబోలో ప్రస్తుతం ఓ సినిమా తెరకెక్కుతోన్న సంగతి తెలిసిందే. ఈ సినిమా ప్రస్తుతం షూటింగ్ దశలో ఉంది. తన వేగవంతమైన షూటింగ్ స్టైల్, లాంగ్ షెడ్యూల్స్‌కు ప్రాధాన్యత ఇవ్వడంతో పాటు, ఈ ప్రాజెక్ట్‌ను త్వరగా పూర్తి చేయాలని పూరి లక్ష్యంగా పెట్టుకున్నాడు.

తాజా సమాచారం ప్రకారం, ఈ సినిమాను క్రిస్మస్ రిలీజ్‌కు సిద్ధం చేస్తున్నారని టాక్. పూరి జగన్నాథ్, విజయ్ సేతుపతి ఇద్దరూ షూటింగ్‌ను వీలైనంత త్వరగా ముగించాలని ఆసక్తి చూపిస్తున్నారు. ఒకవేళ ఈ టైమ్‌లైన్‌తో పెద్ద తెలుగు సినిమాలు ఢీకొనకపోతే, క్రిస్మస్ రిలీజ్‌ను ఖాయం చేసే అవకాశం ఉందని రిపోర్ట్ సూచిస్తోంది.

పూరి ట్రాక్ రికార్డ్ చూస్తే.. ఈ సినిమా అప్పటికి థియేటర్లలోకి వచ్చే అవకాశం బాగానే ఉంది. ఈ చిత్రంలో టబు, సంయుక్త, దునియా విజయ్ కీలక పాత్రల్లో నటిస్తున్నారు. ఈ సినిమాను చార్మీ కౌర్, పూరి జగన్నాథ్, జేబీ నారాయణ రావు కొండ్రోళ్ల సంయుక్తంగా పూరి కనెక్ట్స్, జేబీ మోషన్ పిక్చర్స్ బ్యానర్లపై నిర్మిస్తున్నారు. సంగీతం స్వర సాగర్ అందిస్తున్నాడు.