కొత్త ప్రాజెక్ట్ కు కమిట్ అయిన పవన్ కళ్యాణ్?

కన్నడ ఫిల్మ్ సర్కిల్స్‌లో లేటెస్ట్ బజ్ ప్రకారం.. పవర్ స్టార్ పవన్ కళ్యాణ్ ఫ్యాన్స్‌కి సెప్టెంబర్ 2న ఆయన బర్త్‌డే సందర్భంగా స్పెషల్ ట్రీట్ రాబోతోంది. టాక్ ఏంటంటే.. పవన్ కళ్యాణ్ సాండల్‌వుడ్ స్టార్ ప్రొడ్యూసర్ కె. వెంకట నారాయణతో ఓ కొత్త ప్రాజెక్ట్‌కి కమిట్ అయ్యారట. కెవిఎన్ ప్రొడక్షన్స్ బ్యానర్‌లో వెంకట నారాయణ ఇటీవల పవన్‌తో సమావేశమై, ఓ స్టార్ తమిళ డైరెక్టర్ రూపొందించబోయే ప్రాజెక్ట్ గురించి చర్చించారని సమాచారం.

పవన్ ఈ ప్రాజెక్ట్‌కి గ్రీన్ సిగ్నల్ ఇచ్చారని, సెప్టెంబర్ 2న పవన్ బర్త్‌డే రోజున ఈ క్రేజీ కాంబో గురించి అధికారిక ప్రకటన వచ్చే అవకాశం ఉందని సమాచారం. ప్రస్తుతం పవన్ కళ్యాణ్ ‘ఉస్తాద్ భగత్ సింగ్’ సినిమాతో బిజీగా ఉన్నారు. అలాగే ఎంతో ఆసక్తిగా ఎదురుచూస్తున్న పాన్-ఇండియా గ్యాంగ్‌స్టర్ డ్రామా ‘ఓజీ’ సెప్టెంబర్ 25న రిలీజ్ కాబోతోంది.

మరోవైపు, కె. వెంకట నారాయణ విజయ్ నటిస్తున్న ‘జన నాయగన్’, యశ్ నటిస్తున్న ‘టాక్సిక్’, చిరంజీవి- బాబీ కాంబో మూవీస్ తో పాటు మరికొన్ని భారీ బడ్జెట్ పాన్-ఇండియా ప్రాజెక్ట్‌లను నిర్మిస్తున్నారు.