అప్పుడే క్యారెక్టర్ స్టడీ ప్రారంభించాడు !

యంగ్ టైగర్ ఎన్టీఆర్, స్టార్ డైరెక్టర్ త్రివిక్రమ్ శ్రీనివాస్‌తో మరోసారి కొలాబరేట్ కాబోతున్న సంగతి తెలిసిందే. ఈసారి ఓ భారీ బడ్జెట్ మైథలాజికల్ మూవీ తెరకెక్కబోతుండడం విశేషం. వీళ్లిద్దరి కాంబోలో వచ్చిన ‘అరవింద సమేత వీర రాఘవ’ ఒక రా అండ్ రస్టిక్ ఫ్యాక్షన్ డ్రామాగా ఆడియన్స్‌ని ఆకట్టుకుంది. ఇప్పుడు లార్డ్ కార్తికేయ (మురుగన్ లేదా సుబ్రహ్మణ్య స్వామి) కథ ఆధారంగా ఓ గ్రాండ్ సినిమాటిక్ ఎక్స్‌పీరియన్స్‌ని తీసుకురాబోతున్నారు.

ఈ భారీ ప్రాజెక్ట్ ఇటీవలే ఫైనలైజ్ అయ్యింది. 2025 సెకండ్ హాఫ్‌లో షూటింగ్ మొదలు కాబోతోంది. ఈ నేపథ్యంలో ఎన్టీఆర్ ఇప్పటినుంచే తన రోల్ కోసం సీరియస్‌గా ప్రిపేర్ అవుతున్నాడు. తాజాగా అతడు ‘మురుగ’ అనే ఇంగ్లీష్ బుక్‌తో అందరి దృష్టిలోనూ పడ్డాడు. ఈ బుక్‌ని రాసింది ఆనంద్ బాలసుబ్రమణ్యం. ఇది లార్డ్ కార్తికేయ కథని డీటెయిల్‌గా చెప్పే పవర్‌ఫుల్ రీడ్. ఎన్టీఆర్ తన క్యారెక్టర్‌ని లోతుగా అర్థం చేసుకోవడానికి సొంతంగా రీసెర్చ్ మోడ్‌లోకి వెళ్లిపోయినట్టు క్లియర్‌గా కనిపిస్తోంది.

ప్రస్తుతం ఎన్టీఆర్ సూపర్ బిజీ షెడ్యూల్‌లో ఉన్నాడు. ముందుగా తన బాలీవుడ్ డెబ్యూ మూవీ ‘వార్ 2’ కోసం ఓ హై-ఎనర్జీ సాంగ్ సీక్వెన్స్ షూట్ చేస్తున్నాడు. ఈ బిగ్-టికెట్ యాక్షన్ మూవీలో హృతిక్ రోషన్‌తో కలిసి స్క్రీన్ షేర్ చేస్తున్న ఎన్టీఆర్.. త్వరలో దీని ప్రమోషన్స్‌లో కూడా పాల్గొననున్నాడు. అదే టైంలో, ‘కెజీఎఫ్’ డైరెక్టర్ ప్రశాంత్ నీల్‌తో ‘డ్రాగన్’ అనే మరో భారీ ప్రాజెక్ట్‌లోనూ వర్క్ చేస్తున్నాడు. ఈ సినిమా 2026 జూన్‌లో రిలీజ్ కానుంది. త్రివిక్రమ్‌తో లార్డ్ కార్తికేయ మూవీ స్టార్ట్ అయ్యేది ‘డ్రాగన్’ కంప్లీట్ అయిన తర్వాతే.

ఎన్టీఆర్ ‘మురుగ’ బుక్‌తో కనిపించిన లేటెస్ట్ పిక్ సోషల్ మీడియాలో ఫుల్ వైరల్ అయ్యింది. ఫ్యాన్స్ ఈ విజువల్ చూసి సూపర్ ఎక్సైటెడ్ అయిపోతున్నారు. ఈ కొత్త మైథలాజికల్ సినిమాపై ఇప్పటినుంచే భారీ అంచనాలు నెలకొన్నాయి. ఎన్టీఆర్-త్రివిక్రమ్ కాంబో నుంచి మరో ఐకానిక్ సినిమా రాబోతుందని ఫ్యాన్స్ ఫుల్ కాన్ఫిడెంట్‌గా ఫీల్ అవుతున్నారు.