హిందీ మార్కెట్ పై స్పెషల్ ఫోకస్

నటసింహం నందమూరి బాలకృష్ణ, మాస్ డైరెక్టర్ బోయపాటి శ్రీను నాలుగోసారి కొలాబరేట్ అవుతున్నారు. బ్లాక్‌బస్టర్ 'అఖండ' కు సీక్వెల్‌గా వస్తున్న వీరి కొత్త సినిమా “అఖండ 2: తాండవం” డిసెంబర్ 5, 2025న రిలీజ్ కానుంది. ఆసక్తికరంగా, బోయపాటి మెయిన్ తెలుగు వెర్షన్‌తో పాటు హిందీ వెర్షన్‌పైనా అంతే దృష్టి పెడుతున్నారు.

“అఖండ 2” తెలుగుతో పాటు తమిళం, హిందీ, కన్నడ, మలయాళంలో విడుదలవుతున్నా.. టీమ్ ముఖ్యంగా తెలుగు, హిందీ మార్కెట్లపై ఫోకస్ చేసింది. హిందీ డబ్బింగ్ పనులను బోయపాటి పర్సనల్‌గా చూసుకుంటున్నారు. 'కాంతారా చాప్టర్ 1' లాంటి సినిమాల సక్సెస్ తర్వాత, “అఖండ 2” లోని భక్తి-యాక్షన్ కలయిక నార్త్ ఇండియన్ మార్కెట్‌లో బాగా వర్కౌట్ అవుతుందని ఆయన గట్టిగా నమ్ముతున్నారు.

'అఖండ' మొదటి భాగం కూడా ఓటీటీలో హిందీ ఆడియన్స్‌ను బాగా ఆకట్టుకోవడంతో, ఈ బ్రాండ్ నార్త్ ప్రేక్షకులకు ఇప్పటికే పరిచయమైంది. ఈ సినిమాకు తమన్ మ్యూజిక్ అందిస్తున్నారు. ఇందులో ప్రగ్యా జైస్వాల్, సంయుక్త ముఖ్య పాత్రలు పోషిస్తున్నారు.