'కూలీ' నుంచి థర్డ్ సింగిల్!

సూపర్ స్టార్ రజనీకాంత్ నటించిన ‘కూలీ’ సినిమా గురించి ఇప్పటికే భారీ అంచనాలు నెలకొన్నాయి. లోకేష్ కనగరాజ్ దర్శకత్వంలో సన్ పిక్చర్స్ బ్యానర్‌పై కళానిధి మారన్ నిర్మిస్తున్న ఈ చిత్రం ఆగస్టు 14 ప్రపంచవ్యాప్తంగా థియేటర్లలో విడుదల కానుంది. అనిరుధ్ రవిచందర్ సంగీతం అందిస్తున్న ఈ సినిమా నుంచి ఇప్పటికే రెండు పాటలు 'చికిటు, మోనిక' వచ్చాయి. వీటిలో 'మోనిక' సాంగ్ అయితే ఓ సెన్సేషన్ క్రియేట్ చేసింది.

లేటెస్ట్ గా 'కూలీ' నుంచి థర్డ్ సింగిల్ 'పవర్ హౌజ్' రిలీజయ్యింది. సినిమాలో సూపర్ స్టార్ రజనీకాంత్ క్యారెక్టర్ ను పరిచయం చేసేలా ఎంతో పవర్‌ఫుల్ గా ఈ పవర్‌ హౌజ్ సాంగ్ ఆకట్టుకుంటుంది. ఈ పాటలో రజనీకాంత్ బీస్ట్ మోడ్ లో రెచ్చిపోతున్నాడు. ఈ పాటను అనిరుధ్, అరివు ఆలపించారు.

'కూలీ' చిత్రాన్ని తెలుగు రాష్ట్రాల్లో ఏషియన్ సురేష్ ఎంటర్‌టైన్‌మెంట్ రిలీజ్ చేస్తుంది. ఈ చిత్రంలో రజనీకాంత్‌తో పాటు నాగార్జున, అమీర్ ఖాన్, ఉపేంద్ర, శ్రుతి హాసన్, సత్యరాజ్, సౌబిన్ షాహిర్ వంటి ప్రముఖ నటులు కీలక పాత్రల్లో నటించారు.