‘కాంతార: చాప్టర్ 1‘ ట్రైలర్ వచ్చేసింది!

ఇండియన్ మూవీస్ లో సీక్వెల్స్ ట్రెండ్ కు భారీ క్రేజ్ తీసుకొచ్చిన చిత్రం ‘బాహుబలి‘. ఆ తర్వాత ‘కె.జి.యఫ్, పుష్ప‘ రెండేసి భాగాలుగా వచ్చి పాన్ ఇండియా లెవెల్ లో సంచలన విజయాలు సాధించాయి. ఈకోవలోనే ఇప్పుడు ‘కాంతార‘ ప్రీక్వెల్ రెడీ అయ్యింది. దసరా కానుకగా అక్టోబర్ 2న విడుదలకు ముస్తాబవుతోన్న ‘కాంతార: చాప్టర్ 1‘ ట్రైలర్ రిలీజయ్యింది.

రిషబ్ శెట్టి హీరోగా నటించి, దర్శకత్వం వహించిన ఈ చిత్రాన్ని హోంబలే ఫిల్మ్స్ భారీ బడ్జెట్ తో నిర్మించింది. మొదటి భాగానికి ప్రీక్వెల్ గా రెడీ అయిన ఈ మూవీ ట్రైలర్ ఆద్యంతం విజువల్ ట్రీట్ అందిస్తుంది. పీరియాడిక్ బ్యాక్ డ్రాప్ లో రాజుల కాలం నాటి కథతో ఈ చిత్రం తెరకెక్కింది. రిషబ్ శెట్టికి జోడీగా రుక్మిణి వసంత్ నటించగా.. మరో ప్రధాన పాత్రలో గుల్షన్ దేవయ్య కనిపించబోతున్నాడు.

మొదటి భాగానికి తన సంగీతంతో ప్రాణం పోసిన అజనీష్ లోక్ నాథ్.. ఇప్పుడు ప్రీక్వెల్ కి అద్భుతమైన సంగీతం, నేపథ్య సంగీతాన్ని అందించినట్టు ట్రైలర్ ను బట్టి తెలుస్తోంది. ఇంకా.. టెక్నికల్ గా అరవింద్ ఎస్.కశ్యప్ సినిమాటోగ్రఫీ బాగుంది. మొత్తంగా.. ‘కాంతార.. చాప్టర్ 1‘ బాక్సాఫీస్ వద్ద ఎలాంటి విజయాన్ని సాధిస్తుందో చూడాలి.