దర్శకరత్న దాసరి జయంతి

జన్మ, మరణం సహజం. కానీ కొంతమంది మాత్రమే జీవితాన్ని అర్థవంతంగా మార్చి, అజరామరతను సొంతం చేసుకుంటారు. అలాంటి కొద్ది మంది లోకాల్లో దర్శకరత్న దాసరి నారాయణరావు ఒకరు. తెలుగు సినిమా చరిత్రలో ఆయన పాత్ర అపూర్వం.

151 సినిమాల డైరెక్షన్‌ ద్వారా గిన్నిస్ రికార్డు సాధించి, 'డైరెక్టర్ ఈజ్ ద కెప్టెన్' అనే మాటకు ప్రాణం పోశారు. స్టార్లు గానీ, కొత్తవారైనా గానీ, ప్రతిభకు న్యాయం చేయడంలో దాసరి ప్రత్యేకం. ఆయన దర్శకత్వంలో ఓ సినిమా మొదలైతేనే జనం కళ్ళు ఆ సినిమాపైనే ఉండేవి. కథలు మాత్రమే కాదు – మాటలు, పాటలు, సాంకేతికత అన్నిటిలోనూ ఆయనదైన ముద్ర ఉండేది.

మానవతా మనస్సు ఆయన అసలైన స్వరూపం. ఎవరికైనా సమస్యొచ్చినా, ఆయన ఇంటి తలుపులు ఎప్పుడూ తెరిచే ఉండేవి. సహాయసహకారాలు, పరిష్కారాలు అందించడంలో ఆయనకు సాటి వారెవ్వరూ లేరు. అందుకే ఆయన పేరు చెబితే ‘అందరివాడు’ అనే మాట గుర్తొస్తుంది.

మహిళల జీవనవాస్తవాలు, సామాజిక సమస్యలు, ప్రజల మనస్తత్వాలకు అద్దం పట్టేలా కథలు నడిపిన దాసరి, కమర్షియల్‌ గ్లామర్‌కు వంచని దర్శకుడు. అందుకే ఆయన సినిమాలు కుటుంబంతో చూసే సినిమాలుగా గుర్తింపు పొందాయి.

ఇప్పుడాయన మన మధ్య లేరు కానీ, తెలుగు సినిమా హృదయంలో 'గురువుగారు'గా నిలిచిపోతారు. ఆయన చూపించిన దిశ, చెప్పిన మాటలు – ఇవన్నీ నేటి దర్శకులకు మార్గదర్శకంగా నిలుస్తూనే ఉంటాయి. అందుకే ఆయన జన్మదినాన్ని డైరెక్టర్స్ డే గా జరుపుకుంటుంది తెలుగు చిత్ర పరిశ్రమ. ఈరోజు దాసరి జయంతి సందర్భంగా దర్శకరత్నకు ఘన నివాళులు అర్పిస్తుంది తెలుగు 70 ఎమ్.ఎమ్.