‘హరిహర వీరమల్లు‘ మూడో పాట!

పవర్ స్టార్ పవన్ కళ్యాణ్ తొలిసారి నటిస్తున్న చారిత్రక చిత్రం ‘హరిహర వీరమల్లు‘. పేరుకు మొఘలుల కాలం నాటి చారిత్రక కథాంశంతో రూపొందినా ఇదొక ఫిక్షనల్ డ్రామా. మెగా సూర్య ప్రొడక్షన్స్ బ్యానర్ పై ఎ.ఎమ్.రత్నం నిర్మాణంలో క్రిష్, జ్యోతికృష్ణ ఈ చిత్రాన్ని తెరకెక్కించారు. ‘హరిహర వీరమల్లు‘ ఫస్ట్ పార్ట్ ‘స్వార్డ్ వర్సెస్ స్పిరిట్‘ జూన్ 12న విడుదలకు ముస్తాబవుతుంది.

ఆస్కార్ విజేత కీరవాణి ఈ చిత్రానికి సంగీతాన్ని సమకూరుస్తున్నారు. పవన్ కళ్యాణ్ తో కీరవాణికి ఇదే తొలి చిత్రం. ఇప్పటికే ఈ సినిమా నుంచి ‘మాట వినాలి, కొల్లగొట్టినాదిరో‘ పాటలు వచ్చాయి. ఇప్పుడు థర్డ్ సింగిల్ ‘అసుర హననమ్‘ రిలీజ్ కు రెడీ అవుతుంది. మే 21న ఈ పాటను విడుదల చేయబోతున్నారు. కీరవాణి స్వరకల్పనలో రాంబాబు గోశాల ఈ పాటను రాశారు.