సందీప్ రెడ్డి ప్రేమకథా చిత్రం
‘అర్జున్ రెడ్డి, కబీర్ సింగ్, యానిమల్’ సినిమాలతో దేశవ్యాప్తంగా తనదైన ముద్ర వేసుకున్న డైరెక్టర్ సందీప్ రెడ్డి వంగా. ప్రస్తుతం రెబల్ స్టార్ ప్రభాస్‌తో ‘స్పిరిట్’ ప్రాజెక్ట్‌ను తెరకెక్కించేందుకు సన్నాహాలు చేస్తున్నాడు సందీప్. ఈ సినిమా షూటింగ్ త్వరలోనే ప్రారంభం కానుంది.
ఇదిలా ఉండగా, తన సొంత నిర్మాణ సంస్థ భద్రకాళి పిక్చర్స్ పై ఓ చిన్న సినిమాను కూడా నిర్మించబోతున్నాడట. ఆసక్తికరమైన విషయం ఏంటంటే, ఈ చిత్రంతో రామ్‌గోపాల్ వర్మ శిష్యుడు వేణు దర్శకుడిగా పరిచయం కానున్నాడు. హీరోగా ‘మేం ఫేమస్’ ఫేమ్ సుమంత్ ప్రభాస్ ఎంపికయ్యాడు. తెలంగాణ నేపథ్యంలో సాగే ఓ ఫ్రెష్ లవ్ స్టోరీగా ఈ చిత్రం రూపొందుతున్నట్టు తెలుస్తోంది.
సందీప్ రెడ్డి వంగా పేరు వింటేనే సినిమా మీద ఒక ప్రత్యేక అంచనా ఏర్పడుతుంది. ఆయన దర్శకత్వం వహించినా, నిర్మాణం చేపట్టినా.. ఆయన మార్క్ తప్పకుండా కనిపిస్తుందని సినీ వర్గాల నమ్మకం. అందుకే ఈ చిన్న సినిమా కూడా ప్రేక్షకుల దృష్టిని ఆకర్షించడం ఖాయమని అంటున్నారు.