‘ఓజీ‘.. ద ఫస్ట్ బ్లడ్ కామిక్

పవర్ స్టార్ పవన్ కళ్యాణ్ కోసం దర్శకుడు సుజీత్ మరో సర్ప్రైజ్ రెడీ చేస్తున్నాడు. ‘ఓజీ’ సినిమాకి ముందు జరిగే కథను ప్రత్యేకంగా కామిక్ బుక్ రూపంలో తీసుకొస్తున్నాడు. దానికి ‘ఓజీ: ద ఫస్ట్ బ్లడ్’ అనే టైటిల్ పెట్టారు. ఈ బుక్ కవర్‌పై పవన్ కళ్యాణ్‌తో పాటు నేతాజీ సుభాష్ చంద్రబోస్, ఒక మహిళ, చిన్నారి కనిపించడం ఆసక్తి రేపుతోంది. అంటే, సినిమాలోని బ్యాక్‌స్టోరీని ఫ్యాన్స్ ముందు కొత్త స్టైల్‌లో ప్రెజెంట్ చేస్తున్నారు అన్నమాట.

ఇక ఈ కామిక్ బుక్ తర్వాత సినిమాగా కూడా మారుతుందా? అనేది ఇప్పుడు ఫ్యాన్స్‌కి హాట్ టాపిక్‌గా మారింది. మరోవైపు ‘ఓజీ‘ విషయానికి వస్తే.. పవన్ కళ్యాణ్ కెరీర్‌లోనే అతిపెద్ద ఓపెనింగ్స్ సాధించిన మూవీగా నిలిచింది. ఇప్పటికే రూ.200 కోట్లకు పైగా వసూళ్లను సాధించిన ఈ చిత్రం లాంగ్ రన్ లో మరింతగా దూసుకెళ్లే అవకాశాలు కనిపిస్తున్నాయి.