చిరుకి జోడీగా నయనతార ఫిక్స్!
మెగాస్టార్ చిరంజీవి, అనిల్ రావిపూడి కాంబోలో రూపొందుతున్న సినిమా ఇప్పటికే ముహూర్తాన్ని జరుపుకుంది. త్వరలో సెట్స్ పైకి వెళ్లే ఈ సినిమా ప్రస్తుతం ప్రీ ప్రొడక్షన్ పనులు శరవేగంగా పూర్తిచేసుకుంటుంది. లేటెస్ట్ గా ఈ మూవీలో మిగతా కాస్టింగ్ ను ఫైనలైజ్ చేసే పనిలో ఉన్నాడు అనిల్ రావిపూడి. ముందు నుంచీ ప్రచారంలో ఉన్నట్టే ఈ సినిమాలో చిరంజీవికి జోడీగా నయనతారను ఫిక్స్ చేశారు.
మెగాస్టార్ చిరంజీవి-లేడీ సూపర్ స్టార్ నయనతార కాంబినేషన్ లో ఇప్పటికే రెండు సినిమాలు వచ్చాయి. తొలుత చిరు 'సైరా'లో కథానాయికగా నటించిన నయన.. 'గాడ్ ఫాదర్'లో చెల్లెలు పాత్రలో కనిపించింది. ఇప్పుడు ముచ్చటగా మూడోసారి వీరిద్దరూ కలిసి నటించబోతున్నారు. మెగా 157లో నయనతారను ఫిక్స్ చేస్తూ ఓ వీడియో రిలీజ్ చేసింది టీమ్.
షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్ బ్యానర్లపై సాహు గారపాటి, సుస్మిత కొణిదెల ఈ చిత్రాన్ని సంయుక్తంగా నిర్మిస్తున్నారు. ఎనర్జిటిక్ ట్యూన్స్ తో అలరించే భీమ్స్.. ఈ మూవీకి మ్యూజిక్ డైరెక్టర్. 2026 సంక్రాంతి కానుకగా ఈ సినిమా రెడీ అవుతుంది.