మమ్ముట్టి, మోహన్‌లాల్ 'పేట్రియాట్'

పదిహేడేళ్ల తర్వాత మలయాళ సినీ దిగ్గజాలు మమ్ముట్టి, మోహన్‌లాల్ ఒకే ఫ్రేములో సందడి చేయబోతున్నారు. మహేష్ నారాయణన్ రూపొందిస్తున్న ‘పేట్రియాట్’ మూవీలో వీరిద్దరూ కలిసి నటిస్తున్నారు. ఈ సినిమాలో నయనతార, ఫహాద్ ఫాజిల్, కుంచకో బోబాన్ వంటి స్టార్స్ కూడా నటిస్తున్నారు. లేటెస్ట్ గా ఈ మూవీ తెలుగు టీజర్ ను రిలీజ్ చేశారు.

ఇందులో మమ్ముట్టి రిటైర్డ్‌ జె.ఏ.జి. ఆఫీసర్‌గా, మోహన్‌లాల్‌ సైనిక అధికారి పాత్రల్లో కనిపించబోతున్నారు. గతంలో 'టేకాఫ్' వంటి సూపర్ హిట్ మూవీని తీసిన మహేష్ నారాయణన్ ఈ సినిమాను దేశభక్తి ఇతివృత్తంతో తెరకెక్కిస్తున్నాడు. వచ్చే ఏడాది ఏప్రిల్ లో ఈ సినిమా రిలీజ్ కు రెడీ అవుతుంది.